Áfylling í verslanir og almenn lagerstörf.

Við leitum að sjálfstæðum og hörkuduglegum starfskrafti til að sinna áfyllingu í verslanir hjá söluaðilum okkar. Mikilvægt er að starfsmaður hafi reynslu/gott auga fyrir framsetningu og góða tilfinningu fyrir að stýra vöruframboði í verslunum sem Tinna þjónustar.

Dagleg störf felast í því að taka niður pantanir hjá söluaðilum í Reykjavík og á landsbyggð, tiltekt á pöntunum, taka upp vörusendingar frá erlendum birgjum, fara með pantanir á Landflutninga, í Póstinn/Dropp og fara á Sorpu. Einnig ýmis önnur tilfallandi störf innan fyrirtækisins.

Við erum að leita að snöggum og liprum einstaklingi sem er til í að ganga í öll verkefni með bros á vör. Nauðsynlegt að vera líkamlega vel á sig kominn því starfið felst fyrst og fremst í að flytja þunga kassa og það þarf liðleika og gott bak í að setja upp áfyllingar í verslanir.

Bílpróf er nauðsynlegt og að hafa góða reynslu af akstri innan- og utanbæjar. Almenn tölvukunnátta æskileg og þekking/áhugi á prjónaskap.

Vinnutími er: 9:00 - 16:00 mán - fim og 9:00 -15:00 fös. Boðið er upp á léttan hádegisverð.

Viðkomandi þarf að geta hafið störf sem fyrst!

Hlökkum til að heyra frá þér!