Aðstoðarleikskólastjóri

Leikskólinn Bláskógar auglýsir eftir aðstoðarleikskólastjóra til starfa í 100% stöðu á starfsstöðinni Gullkistunni á Laugarvatni.

Aðstoðarleikskólastjóri er faglegur leiðtogi og situr í stjórnendateymi leikskólans. Hann starfar samkvæmt stefnumörkun leikskólans sem tekur meðal annars mið af skólastefnu Bláskógabyggðar, aðalnámskrá leikskóla, lögum og reglugerðum um leikskóla og öðrum lögum er við eiga.

Leikskólinn Bláskógar er sex deilda leikskóli með starfsemi á tveimur stöðum: Álfaborg í Reykholti og Gullkistunni á Laugarvatni. Í Álfaborg eru fjórar deildir: Hverahlíð, Krummaklettar, Lambadalur og Smáholt. Í Gullkistunni eru tvær deildir: Bjarnalundur og Stóragil.

Laun eru greidd samkvæmt kjarasamningi Sambands ísl. sveitarfélaga og Félags stjórnenda leikskóla en tímabundin viðbótarlaun greiðast vegna átaksverkefnis til að fjölga leikskólakennurum. Umsóknum fylgi yfirlit yfir nám og fyrri störf ásamt rökstuðningi fyrir hæfni í starfið. Umsækjendur þurfa að sýna fram á hreint sakavottorð. Starfið hentar öllum óháð kyni.