Laus störf Hæfnileit Vinnustaðir Námskeið

Baugur

Leikskólinn Baugur er átta deilda leikskóli fyrir börn á aldrinum eins til sex ára og geta 143 börn dvalið í skólanum. Leikskólinn er staðsettur í Kórahverfi í Kópavogi þar sem stutt er í útivistarsvæðið í Leirdalnum, Heiðmörkina og aðrar náttúruperlur. Leikskólinn er einnig með afnot af útisvæði sem heitir Magnúsarlundur. Magnúsarlundur er svæði sem nýtist vel til útináms. Svæðið er mjög fjölbreytt með gömlum greni-og furulundum, lautum og móum. Magnúsarlundur er samnýttur af Hörðuvallaskóla og leikskólunum Baugi, Kór og Aðalþingi. Baugur telst vera nokkuð stór leikskóli sem í okkar huga er einn af okkar mörgu kostum. Mannauðurinn er mikill, með ólíkum einstaklingum með mismunandi styrkleika. Lögð er áhersla á að þeir sem eftir því sækjast fái ábyrgð og verkefni við hæfi en í Baugi eru allir mikilvægir sama hvaða hlutverki þeir gegna. Samvinna og metnaður til að gera vel sameinar okkur alla daga og skapar okkar frábæru liðsheild. Gleði er að okkar mati lykillinn að starfsánægju en við höfum gert með okkur sáttmála sem stuðlar að vellíðan starfsfólks þar sem skýr, skilvirk, hlý og jákvæð samskipti eru í forgrunni.

Vinnustaðurinn

Aðstoðarleikskólastjóri

Í Baugi starfa milli 50 og 60 manns sem sameinast á hverjum degi um það að hafa gaman. Gleði er að okkar mati lykillinn að starfsánægju. Við höfum gert með okkur sáttmála sem stuðlar að vellíðan starfsfólks en skýr, skilvirk, hlý og jákvæð samskipti eru þar í forgrunni. Samvinna og metnaður til að gera vel sameinar okkur alla daga og skapar okkar frábæru liðsheild!

Leikskólinn Baugur er 8 deilda leikskóli með 143 börnum í Kórahverfi í Kópavogi. Leikskólinn leggur áherslu á að skapa fjölbreytilegt leikumhverfi sem ýtir undir ímyndunarafl, sköpunarkraft og tjáningu barnanna. Unnið er að innleiðingu "Uppeldi til ábyrgðar" en finna má nánari upplýsingarum leikskólann á http://baugur.kopavogur.is/.

Aðstoðarleikskólastjóri er aðstoðarmaður og staðgengill leikskólastjóra. Hann er leiðandi aðili í skipulagi faglegs starfs innan leikskólans og tekur virkan þátt í stjórnun og umsjón starfsmannamála ásamt virku samstarfi við foreldra. Aðstoðarleikskólastjóri starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum, mannauðs- og skólastefnu Kópavogsbæjar.

Helstu verkefni og ábyrgð

Er aðstoðarmaður leikskólastjóra og ber ásamt honum ábyrgð á rekstri skólans
Er staðgengill í fjarveru leikskólastjóra og starfar þá samkvæmt starfslýsingu hans
Vinnur ásamt leikskólastjóra að daglegri stjórnun leikskólans og skipulagningu skólastarfsins
Er faglegur leiðtogi og mentor fyrir aðra starfsmenn
Tekur þátt í launavinnslu, skýrslu- og áætlanagerð
Tekur þátt í foreldrasamstarfi, upplýsingagjöf og kynningu á skólanum
Sinnir þeim verkefnum er varðar stjórnun leikskólans sem yfirmaður felur honum

Menntunar- og hæfniskröfur

Kennaramenntun og leyfisbréf kennara. Sérhæfð hæfni á leikskólastigi, sem felur í sér a.m.k. 90 ECTS námseiningar sem tengjast aðalnámskrá leikskóla og menntunarfræðum leikskóla
Framhaldsmenntun (MA, MEd, MBA eða diplóma að lágmarki) á sviði stjórnunar eða uppeldis- og menntunafræða
Reynsla af starfi og stjórnun í leikskóla
Forystuhæfni og góð færni í mannlegum samskiptum
Fagleg forysta, sýn og vilji til nýbreytni og þróunar í leikskólastarfi
Frumkvæði, lausnamiðuð hugsun og metnaður til að ná árangri í starfi
Góð tölvukunnátta
Góð íslensku- og enskukunnátta og færi til að tjá sig bæði í ræðu og riti

Fríðindi í starfi

Styttri vinnuvika - stytting að hluta til notuð í páskafrí, tvö vetrarfrí og jólafrí.

Starfsfólk Kópavogsbæjar fær frían aðgang að sundlaugum bæjarins.

Vekjum athygli á nýjum nálgunum er varða bætt starfsumhverfi barna og kennara í leikskólum Kópavogs. Sjá nánar hér

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Einstaklingar sem ráðnir eru til starfa í leikskólum Kópavogs þurfa að undirrita heimild til upplýsingaöflunar úr sakaskrá og skrifa undir trúnaðaryfirlýsingu.

Um er að ræða 100% starf. Ráðið er í starfið frá og með 6. ágúst.

Upplýsingar gefur Margrét Björk Jóhannesdóttir, leikskólastjóri í síma 441-5601 eða með því að senda póst á [email protected]

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Tekið er á móti umsóknum í gegnum ráðningarvef Alfreðs.

Auglýsing birt13. mars 2026

Umsóknarfrestur27. mars 2026

Tungumálahæfni