Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

About

Stapasafn - Bókavörður

Starfssvið: Bókavörður

Stapasafn óskar eftir að ráða bókavörð í 70% starf við almenn störf í útlánadeild safnsins.

Stapasafn sem er hluti af Bókasafn Reykjanesbæjar vinnur samkvæmt framtíðarsýn safnsins sem samþykkt er af bæjarstjórn. Almenningsbókasöfn eru að þróast í spennandi átt og þurfa að vera í stakk búin til að takast á við nýjar áskoranir í upplýsingasamfélagi framtíðar.

Launakjör eru í samræmi við samning Sambands íslenskra sveitarfélaga og viðeigandi stéttarfélags. Æskilegt er að viðkomandi geti hafið störf sem fyrst eða eftir samkomulagi.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

Þjónusta viðskiptavini í útlánadeild safnsins
Öll almenn störf í afgreiðslu s.s. plöstun, röðun og þrif á bókum.
Önnur tilfallandi verkefni bæði í Bókasafni Reykjanesbæjar og Stapasafni.

Menntunar- og hæfniskröfur

Stúdentspróf eða hliðstæð menntun og/eða starfsreynsla á bókasafni
Góð almenn þekking, áhugi á lestri og bókmenntum
Tölvu- og tungumálakunnátta
Góð íslenskukunnátta og gott vald á ensku
Góð færni í mannlegum samskiptum og sveigjanleiki
Þjónustulipurð, jákvæðni, sjálfstæði og samstarfshæfni

Fríðindi í starfi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Guðrún Þorsteinsdóttir verkefnastjóri innri þjónustu, netfang: [email protected]

Advertisement published3. June 2025

Application deadline9. June 2025

Language skills