Ráðgjafar- og greiningarstöð

Ráðgjafar- og greiningarstöð er miðlæg þjónustu- og þekkingarmiðstöð sem starfar á þverfaglegum grunni og sinnir börnum að 18 ára aldri hvar sem þau búa á landinu. Hlutverk hennar er m.a. að annast greiningu og ráðgjöf vegna barna með víðtækar þroskaraskerðingar, sinna fræðilegum rannsóknum á þessu sviði og veita börnum með venjuflóknar eða sjaldgæfar fatlanir langtímaeftirfylgd. Öflun og miðlun þekkingar og þroskaskerðingar og fræðsla um helstu íhlutunarleiðir er enn fremur meðal hlutverka stofnunarinnar.

About

Sjúkraþjálfari

Ráðgjafar- og greiningarstöð auglýsir laust til umsóknar starf sjúkraþjálfara. Leitað er að einstaklingi sem hefur brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks stofnunarinnar.

Helstu verkefni og ábyrgð

Ráðgjöf og eftirfylgd til fjölskyldna og fagfólks vegna barna með raskanir í taugaþroska
Mat og ráðgjöf varðandi hjálpartæki, umsóknir til Sjúkratrygginga og eftirfylgd
Mat á skyn- og hreyfifærni með viðurkenndum próf- og matstækjum og klínískum athugunum, úrvinnsla og túlkun niðurstaðna ásamt mati á íhlutun eða úrræðum
Skráning og skýrslugerð
Sjúkraþjálfun í einstaka tilfellum t.d. ungra barna í smábarnateymi
Vinna í þverfaglegum teymum innan og utan stofnunar
Þátttaka í fræðslu- og rannsóknarstarfi innan og utan stofnunar

Menntunar- og hæfniskröfur

Íslenskt starfsleyfi sem sjúkraþjálfari
Þekking og/eða reynsla sem nýtist í starfi
Mjög góð samskipta- og samstarfshæfni og færni til að starfa í teymi
Góð færni til að tjá sig í ræðu og riti á íslensku
Skipulagshæfni, frumkvæði og sjálfstæði í vinnubrögðum

Laun greiðast skv. gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Umsókn um starfið skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu. Sótt er um starfið á starfatorg.is. Miðað er við að viðkomandi geti hafið störf sem fyrst eða eftir nánara samkomulagi. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði frá birtingu auglýsingu þessarar.

Á Ráðgjafar- og greiningarstöð starfa um 60 starfsmenn. Hlutverk stofnunarinnar er að tryggja að börn með alvarlegar þroskaskerðingar sem leitt geta til fötlunar síðar á ævinni fái greiningu, ráðgjöf og önnur úrræði sem bæta lífsgæði þeirra. Sjá nánar www.rgr.is. Ráðgjafar- og greiningarstöð er með fjölskylduvæna starfsmannastefnu sem býður m.a. upp á sveigjanlegan vinnutíma og lögð er áhersla á þróun í starfi og tækifæri til sí- og endurmenntunar. Gildi stofnunarinnar eru fagmennska, framsækni, velferð og virðing. Nýir starfsmenn fá handleiðslu og starfsþjálfun á aðlögunartíma

Starfið fer aðallega fram í húsnæði stofnunarinnar í Hafnarfirði en einnig á heimilum, í skólum um allt land og í gegnum fjarfundabúnað.

Starfshlutfall er 80-100%.

Advertisement published22. May 2025

Application deadline2. June 2025

Language skills