Sérfræðingar í fjármálaþjónustu og rekstrarráðgjöf
Ertu drífandi og með brennandi áhuga á fjármálum og rekstri?
Fjármála- og áhættustýringarsvið Reykjavíkurborgar leitar eftir öflugum sérfræðingum. Í boði eru spennandi störf og tækifæri til að leggja sitt af mörkum á stærsta vinnustað landsins þar sem fagmennska og aðhald skipta máli. Við bjóðum upp á fjölbreytt og krefjandi verkefni á sviði fjármála og rekstrarráðgjafar, með tækifæri til starfsþróunar. Leitað er að einstaklingum sem búa yfir mikilli samskiptahæfni, sýna frumkvæði og hafa tileinkað sér sjálfstæð vinnubrögð.
Störfin eru á skrifstofu fjármálaþjónustu og ráðgjafar en skrifstofan sinnir fjármálaþjónustu, eftirliti, innkaupa- og rekstrarráðgjöf auk ábyrgðar á ráðgjöf í útboðsmálum Reykjavíkurborgar. Skrifstofan hefur aðsetur að Borgartúni 12-14.
- Veita stuðning, ráðgjöf og aðhald í fjármálum og rekstri
- Móta og þróa verklag við eftirlit með rekstri og fylgja eftir frávikum frá fjárheimildum
- Framkvæma rekstrargreiningar, rýna tækifæri til samlegðar og aukinnar hagkvæmni í innkaupum og rekstri og setja fram niðurstöður
- Styðja við innleiðingu áhættustýringar á sviði innkaupa og rekstrar
- Greina og nýta gögn og tölfræði til þess að styðja við ákvarðanatöku í rekstri
- Þátttaka í þróun og umbótum í starfsemi skrifstofunnar
- Önnur verkefni sem starfsmanni er falið að leysa af yfirmanni
- Framhaldsmenntun á háskólastigi í viðskiptafræði, hagfræði, verkfræði eða sambærileg menntun sem nýtist í starfi
- Reynsla af verkefnum tengt ráðgjöf, greiningum eða fjármálum
- Sterk greiningarhæfni og gagnrýnin hugsun við úrlausn verkefna
- Þekking á Power BI, Excel og helstu forritum til greiningar og framsetningar gagna
- Góð samskiptahæfni og geta til að setja sig inn í fjölbreytt rekstrartengd verkefni
- Sjálfstæði, frumkvæði og skipulögð vinnubrögð
- Hæfni til að tjá sig í ræðu og riti
- Þekking á opinberri stjórnsýslu er kostur
- Samgöngustyrkur
- Heilsuræktarstyrkur
- Menningar- og sundkort Reykjavíkur
Icelandic
