Rekstrarstjóri íþrótta- og tómstundamála

Hafnarfjarðarbær leitar að drífandi einstaklingi til að gegna starfi rekstrarstjóra íþrótta- tómstundamála. Starfið felur í sér fjölbreytt verkefni sem tengjast rekstri Vinnuskóla Hafnarfjarðar, íþróttamála, félagsmiðstöðva og frístundaheimila. Rekstrarstjóri vinnur náið með íþrótta- og tómstundafulltrúa, fjölbreyttum hópi starfsfólks og samstarfsaðilum á sviði íþrótta og tómstunda, bæði innan bæjarins og í nærsamfélaginu, þar með talið íþróttafélög, stofnanir og félagasamtök.

Starfið hentar þeim sem hafa reynslu af rekstri, starfsmannamálum, viðburðarstjórnun og þeim sem hafa áhuga á að stuðla að uppbyggingu öflugs tómstundastarfs í þágu barna og ungmenna.

Ef þú hefur áhuga á að sinna fjölbreyttu starfi og hafa jákvæð áhrif á samfélagið þá er þetta tækifærið fyrir þig.

Helstu verkefni og ábyrgð:

• Heldur utan um rekstrar- og fjárhagsáætlanir fyrir félagsmiðstöðvar, Vinnuskóla og íþróttamannvirki í samvinnu við íþrótta - og tómstundafulltrúa
• Kemur að samninga- og áætlanagerð fyrir íþrótta og tómstundafélög og hefur eftirfylgni með rekstrar- og þjónustusamningum
• Ber ábyrgð á daglegum rekstri Vinnuskólans frá mars til september/október
• Þátttaka í vinnuhópum, ráðum og teymisvinnu
• Sinnir fjölbreyttu samstarfi við aðila innan og utan vinnustaðarins
• Önnur verkefni samkvæmt starfslýsingu

Menntunnar- og hæfniskröfur:

• B.Sc. gráða í viðskiptafræði/hagfræði eða sambærilegt
• Reynsla af rekstri og starfsmannamálum
• Reynsla af íþrótta- og tómstundamálum er æskileg
• Góð hæfni í samskiptum og teymisvinnu
• Frumkvæði, sjálfstæði og nákvæmni í vinnubrögðum
• Góð tölvukunnátta
• Hæfni til að tjá sig í ræðu og riti á íslensku, enskukunnátta

Umsóknarfrestur er til og með 27. júní 2025

Greinargóð ferilskrá fylgi umsókn. Gerð er krafa um að viðkomandi sé með hreint sakavottorð.

Laun eru samkvæmt kjarasamningi Sambands íslenskra sveitarfélaga við Kjarafélag viðskiptafræðinga og hagfræðinga.

Nánari upplýsingar gefur yfirmaður viðkomandi starfs, Geir Bjarnason íþrótta- og tómstundafulltrúi í gegnum netfangið [email protected] og í síma 6645754.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.