Leikskólakennari - leikskólaliði

Erum við að leita að þér? Við þurfum að bæta við frábært starfsmannateymið okkar hér í leikskólanum Ösp. Markmið okkar er að stuðla að jöfnum tækifærum barna til að láta drauma sína rætast!

Leikskólakennari eða leikskólaliði óskast til starfa í leikskólann Ösp, sem er staðsettur í hjarta Fellahverfisins. Starfsmannateymið leggur áherslu á samvinnu og nýtir fjölbreyttar leiðir sem styðja við almennan þroska barna.

Lögð er áhersla á auðugt málumhverfi, vellíðan og starfsaðferðir sem mæta þörfum fjölbreytileika barnahópsins í leikskólanum, sem er með ríkan tungumála- og menningarbakgrunn.

Starfið er fjölbreytt, skemmtilegt og gefandi, þar sem enginn dagur er eins og við sköpum ný ævintýri á hverjum degi. Spennandi þróunarverkefni er í gangi um mál og læsi, með leikskólanum Holti og Fellaskóla.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.