Bæjarból - aðstoðarleikskólastjóri afleysing
Leikskólinn Bæjarból auglýsir eftir aðstoðarleikskólastjóra í afleysingu í eitt ár frá og með 1. september 2026.
Staðan er 100% en verksvið aðstoðarleikskólastjóra skiptist í 40% stjórnun og 60% vinnu með börnunum.
Leikskólinn er staðsettur í fallegu grónu hverfi, hann er fjögurra deilda og þar er rými fyrir 86 börn. Bæjarból er heilsueflandi leikskóli með áherslu á að virða leik barna, efla lífsgleði og samskiptahæfni þeirra og huga að heilbrigði, hollustu og hreyfingu.
Einkunnarorð skólans eru : Leikur – Hreyfing – Lífsleikni. Heimasíða skólans er www.baejarbol.is.
Leitað er að jákvæðum einstaklingi sem er framsýnn í skólamálum, sýnir frumkvæði og býr yfir hæfni í samskiptum.
Starf aðstoðarleikskólastjóra er frábært tækifæri fyrir áhugasama, þar gefst einstakt tækifæri til að taka þátt í þróun leikskólastarfs og hafa áhrif í sterku stjórnendateymi.
- Er aðstoðarmaður leikskólastjóra og ber ásamt honum ábyrgð á rekstri leikskólans
- Er staðgengill í fjarveru leikskólastjóra
- Vinnur ásamt leikskólastjóra að daglegri stjórnun leikskólans og skipulagningu uppeldisstarfsins
- Sinnir þeim verkefnum sem yfirmaður felur honum
- Leyfisbréf til kennslu (leyfisbréf fylgi umsókn)
- Að lágmarki 90 námseiningar á einu námssviði aðalnámskrár og menntunarfræði leikskóla
- Sérhæfð hæfni sem snýr að skólaþróun, stjórnun, rekstri og stjórnsýslu
- Íslenskukunnátta á stigi B2 samkvæmt evrópska tungumálarammanum
- Framhaldsmenntun á sviði stjórnunar og/eða reynsla að stjórnun æskileg
- Reynsla af starfi á leikskólastigi
- Góð samskiptahæfni
- Frumkvæði og sjálfstæði í vinnubrögðum
- Góð tölvukunnátta
Hlunnindi fyrir starfsmenn leikskóla:
- Vinnuskylda í fullu starfi er 36 stundir. Vikulegur vinnutími er 38 stundir og tveimur klukkustundum safnað upp í frítöku vegna vetrar-, páska- og jólafrís
- Leikskólinn er lokaður í dymbilviku og 2. janúar vegna dreifingar vinnutíma starfsfólks
- Opnunartími leikskólans er 7:30 - 16:30 mánudag til fimmtudag og 7:30- 16:00 á föstudögum
- Fimm skipulagsdagar á ári
- Forgangur á leikskóla fyrir börn starfsmanna með lögheimili í Garðabæ og í 75% starfshlutfalli eða meira
- 40% afsláttur á leikskólagjöldum fyrir starfsmenn með lögheimili í Garðabæ
- 25% stöðugildi vegna snemmtækrar íhlutunar inn á hverri deild
- 50% stöðugildi inn á yngstu deildir leikskóla ef fjöldi barna á aldrinum 1-2 ára eru fleiri en tíu á deild
- Hægt er að sækja um námstengda styrki til að efla faglegt leikskólastarf
Hlunnindi fyrir starfsmenn sem ráðnir eru í starfshlutfall:
- Heilsuræktarstyrkur að upphæð 20.000 kr. eftir 6 mánuði í starfi
- Bókasafnskort eftir 3 mánuði í starfi
- Menningarkort eftir 3 mánuði í starfi
- Sundlaugarkort eftir 3 mánuði í starfi
- Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi
Icelandic
