Jóga fyrir jafnvægi í hraða nútímasamfélags

Að staldra við í amstri dagsins og gera stuttar öndunar- eða jógaæfingar hjálpar til við að ná jafnvægi og hamingju í hraða nútímasamfélags. Jógaæfingar koma blóðflæði af stað og skerpa fókus. Ótrúlegt er hvað jóga og meðvituð öndun hefur róandi áhrif á taugakerfið og getur dregið úr stressi. Það getur einnig hjálpað þér að sofa betur. Allir eiga 15 mínútur aflögu á dag - af  hverju ekki að nýta þessar 15 mínútur í að hlúa að þér?

Um hvað er námskeiðið?
Yin jóga - Léttar teygjuæfingar þar sem teygju er haldið í um eina mínútu. Kemur blóðflæði af stað og losar um stífleika.
Jóga fyrir bakið. Léttar æfingar þar sem hreyft er við hryggnum og losað um spennu í baki og öxlum.
Stólajóga er fyrir alla! Frábært fyrir byrjendur og þá sem eiga erfitt með hreyfingu, hvort sem er vegna meiðsla eða stirðleika. Stólajóga getur aukið liðleika og styrk, aukið einbeitingu og dregið úr stressi. Tilvalið að gera við skrifborðið. Þú átt eftir að finna þægilegan mun eftir aðeins 15 mínútur.

Fyrir hverja?

Fyrir alla sem eiga 15 mínútur aflögu á dag og vilja bæta líf sitt.