Viltu þjálfa börn í sundi?

Sunddeild Ármanns er metnaðarfullt sundfélag sem óskar eftir umsóknum frá áhugasömum sundþjálfurum sem vilja starfa með öflugu þjálfarateymi félagsins.

Ef þú hefur áhuga á sundþjálfun, nýtur þess að vinna með börnum og vilt taka þátt í skemmtilegu og uppbyggilegu starfi, viljum við gjarnan heyra frá þér.

Ármann býður upp á sundskóla og æfingahópa í Laugardalslaug, Árbæjarlaug og Grafarvogslaug fyrir börn frá 3 ára aldri. Til skoðunar er að bæta við sundskóla og/eða yngri æfingahópum í Dalslaug næsta haust, ef réttur þjálfari fæst til starfa.

Við leitum að þjálfurum sem hafa áhuga á að starfa með börnum á breiðu aldursbili, allt frá 3 ára aldri og upp úr. Verkefnin geta bæði falist í kennslu í sundskóla og þjálfun yngri æfingahópa, eftir reynslu, áhuga og þörfum félagsins.

Starfið felur í sér

• Sundþjálfun eða aðstoð við sundþjálfun barna.
• Þátttöku í þjálfarateymi Sunddeildar Ármanns undir leiðsögn yfirþjálfara.
• Vinnutíma síðdegis á virkum dögum, 2–4 daga í viku.
• Þátttöku á einstaka sundmótum um helgar, eftir því sem við á.

Hæfniskröfur

• Áhugi og hæfni til að starfa með börnum.
• Góð samskiptahæfni.
• Umsækjendur þurfa að vera 18 ára eða eldri.
• Hreint sakavottorð.

Kostir

• Reynsla af þjálfun barna.
• Reynsla af sundþjálfun.
• Góð íslenskukunnátta.
• Áhugi á að taka þátt í uppbyggilegu félagsstarfi.

Við hvetjum sérstaklega frístundaleiðbeinendur, kennara, leikskólakennara, íþróttakennara og aðra sem hafa reynslu af starfi með börnum og áhuga á skemmtilegu aukastarfi til að sækja um.

Áhugasamir eru hvattir til að senda inn umsókn með upplýsingum um menntun, fyrri störf.
Komi upp spruningar er hægt að hafa samband við [email protected].