Laus störf Hæfnileit Vinnustaðir Námskeið

STOÐ

STOÐ er sérhæft þekkingar- og þjónustufyrirtæki á sviði heilbrigðis og rannsókna. Fyrirtækið veitir heildstæðar lausnir sem styðja fagfólk, styrkja heilbrigðiskerfið, efla rannsóknir og bæta lífsgæði einstaklinga. Þannig erum við mikilvæg stoð einstaklinga, heilbrigðisþjónustu og rannsókna. Stoð sameinaðist systurfélagi sínu MEDOR í mars 2026 undir nafninu STOÐ og byggir starfsemin á sterkum grunni þekkingar, reynslu og sérhæfingar. Fyrirtækið sameinar annars vegar áratugalanga reynslu í stoðtækjasmíði, ráðgjöf og lausnum sem styðja fólk í daglegum athöfnum og hins vegar djúpa sérþekkingu í sölu, ráðgjöf og þjónustu á hágæða lækningatækjum og hjúkrunar- og rannsóknarvörum. Vöru- og þjónustuframboð STOÐAR spannar allt frá háþróuðum tækjum og rekstrarvörum fyrir heilbrigðisstofnanir til lausna fyrir einstaklinga, svo sem stoðtækja, hjálpartækja og hjúkrunarvara. STOÐ byggir starfsemi sína á gildum um hreinskiptni, framsækni og áreiðanleika og leggur áherslu á langtímasamstarf og lausnir sem skapa raunverulegt virði.

Vinnustaðurinn

Viltu bæta lífsgæði fólks?

Hjálpartækjadeild STOÐAR leitar að liðsauka. Um er að ræða gefandi og spennandi starf viðskiptastjóra í samhentu teymi fagfólks sem sér um sölu, ráðgjöf, þjónustu og afgreiðslu á hjálpartækjum til einstaklinga og stofnana.

Viðkomandi þarf að hafa góða samskiptahæfni og faglega þekkingu til að taka á móti skjólstæðingum og finna réttu lausnina hverju sinni. Einnig þarf viðkomandi að búa yfir frumkvæði og getu til að hrinda verkefnum í framkvæmd, vera árangursdrifinn og hafa gott auga fyrir nýjum tækifærum og umbótum.

Starfið er mjög fjölbreytt og felur í sér allt frá ráðgjöf við skjólstæðinga, pantanir og birgðahald, samskipti við erlenda birgja til samsetninga og afhendinga á hjálpartækjum.

Vöruflokkar sem viðkomandi mun bera ábyrgð á eru hjólastólar, göngugrindur og önnur hjálpartæki.

Helstu verkefni og ábyrgð

Ráðgjöf, sala og markaðssetning á hjálpartækjum og heilbrigðisvörum til heilbrigðisstofnana, hjúkrunarheimila og einstaklinga
Samskipti við annað heilbrigðisstarfsfólk sem snýr að meðferð og þjónustu fyrir skjólstæðinga
Vörukynningar, fræðsla og eftirfylgni fyrir notendur og heilbrigðisstarfsfólk
Samsetning, stilling og afhending hjálpartækja ásamt ráðgjöf í verslun og sýningarsal
Samstarf við erlenda birgja, Sjúkratryggingar Íslands og aðra hagsmunaaðila

Menntunar- og hæfniskröfur

Háskólamenntun sem nýtist í starfi t.d. sjúkraþjálfun, iðjuþjálfun, hjúkrunarfræði eða verkfræði
Þekking og/eða áhugi á hjálpartækjum og heilbrigðsvörum
Reynsla og/eða áhugi af sölu og markaðsmálum
Framúrskarandi samskiptahæfni og þjónustulund
Frumkvæði, drifkraftur og jákvætt lífsviðhorf
Greininga- og skipulagshæfileikar og metnaður til að ná árangri í starfi

Starfið getur hentað bæði nýútskrifuðum aðila sem er að stíga sín fyrstu skref á vinnumarkaðnum sem og reynslumiklum aðila sem vill nýta sína fagþekkingu og takast á við nýjar áskoranir.

Umsóknarfrestur er til og með 29. maí nk.

Nánari upplýsingar um starfið veitir Hrafnhildur Ýr Matthíasdóttir, Deildarstjóri hjálpartækja, þjónustu og markaðsmála, [email protected].

Stoð og MEDOR sameinuðust í mars 2026 undir nafninu STOÐ. Sameinað fyrirtæki er leiðandi í ráðgjöf, sölu og þjónustu á lækninga-, hjúkrunar- og rannsóknarvörum og þjónustar m.a. sjúkrahús, heilbrigðisstofnanir, apótek og rannsóknastofur í líftækni, efnagreiningu og lyfjaiðnað.

Auglýsing birt21. maí 2026

Umsóknarfrestur29. maí 2026

Tungumálahæfni