Laus störf Hæfnileit Vinnustaðir Námskeið

Suðurnesjabær

Suðurnesjabær er næstfjölmennasta sveitarfélagið á Suðurnesjum með um 4.350 íbúa. Mikil uppbygging og gróska er í sveitarfélaginu, m.a. með uppbyggingu nýrra hverfa. Í Suðurnesjabæ eru m.a. tveir grunnskólar, tveir leikskólar, tvær íþróttamiðstöðvar og sundlaugar, bóka- og byggðasafn. Auk þess er ýmis önnur þjónusta og starfsemi á vegum sveitarfélagsins. Suðurnesjabær er heilsueflandi samfélag sem býður uppá nálægð við náttúruna og einstaka strandlengju sem umvefur sveitarfélagið.

Vinnustaðurinn

Vilt þú móta framtíðina með okkur?

Fjölskyldusvið Suðurnesjabæjar óskar eftir að ráða skólafélagsráðgjafa í fullt starf við grunnskóla Suðurnesjabæjar og sveitarfélagsins Voga. Grunnskólar sveitarfélaganna eru þrír, Gerðaskóli, Sandgerðisskóli og Stóru- Vogaskóli. Um er að ræða nýja stöðu vegna innleiðingar laga um samþætta þjónustu í þágu farsældar barna. Viðkomandi þarf að hafa menntun og starfsréttindi félagsráðgjafa ásamt þekkingu á úrræðum bæði ríkis og sveitarfélaga.

Viðkomandi verður starfsmaður Suðurnesjabæjar sem er næst stærsta sveitarfélagið á Suðurnesjum með um 3.900 íbúa og 280 starfsmenn.

Menntunar- og hæfniskröfur

Háskólapróf í félagsráðgjöf og starfsréttindi félagsráðgjafa á Íslandi

Þekking og reynsla af viðtalstækni er æskileg og reynsla af því að ræða við börn er skilyrði

Þekking og vinnsla með greiningartæki er kostur (s.s. Estermat)

Geta til að nýta viðurkennda vísindalega þekkingu við úrlausn mála

Áhugi á að vinna að velferð barna og ungmenna

Krafa er um lipurð í samskiptum, jákvæðni og sveigjanleika

Hæfni til að tjá sig í ræðu og koma frá sér vönduðum skriflegum texta

Frumkvæði, skipulagshæfileikar og sjálfstæði í vinnubrögðum

Gerð er krafa um vammleysi, s.s. að vera með gott orðspor, að framkoma og athafnir á vinnustað og utan hans samrýmist starfinu

Helstu verkefni og ábyrgð

Nemendaráðgjöf m.a. vegna félaglegs, námslegs og/eða tilfinningalegs vanda

Foreldraráðgjöf vegna nemenda

Ráðgjöf og handleiðsla við starfsmenn skóla vegna nemenda

Samþætt þjónstua í þágu farsældar barna, tengiliður skóla

Sjálfstyrkinganámskeið fyrir minni og stærri hópa

Forvarnarvinna í samráði við skólastjóra og þátttaka í mótun forvarnaráætlana

Samvinna við aðila innan skóla og utan sem tengdir eru málefnum einstakra nemenda og/eða nemendahópa

Þátttaka í mótun og þróun úrræða fyrir nemendur

Þáttaka í viðbragðsteymi skólanna sem virkjað er þegar alvarleg mál koma upp

Fundarseta í nemendaverndarráðum skólanna

Áhugasamir einstaklingar, án tillits til kyns, eru hvattir til að sækja um.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starf skólafélagsráðgjafa.

Umsóknarfrestur er til og með 20. janúar 2023.

Nánari upplýsingar um starfið veita Bryndís Guðmundsdóttir, deildarstjóri fræðsluþjónustu netfang [email protected] og Guðrún Björg Sigurðardóttir, sviðsstjóri fjölskyldusviðs netfang [email protected] eða í síma 425-3000.

Umsókn skal skilað á rafrænu formi á Alfreð.

Auglýsing birt3. janúar 2023

Umsóknarfrestur20. janúar 2023

Tungumálahæfni

Engar sérstakar tungumálakröfur

Staðsetning

Sunnubraut 4, 250 Garður

Starfstegund

Hæfni