Laus störf Hæfnileit Vinnustaðir Námskeið

SPAR

SPAR er alþjóðleg verslanakeðja með yfir 13.500 verslanir í meira en 50 löndum. Á Íslandi eru SPAR-verslanir reknar af Samkaupum og á næstu árum er stefnt að því að breyta Krambúðum, Kjörbúðum og 10–11 verslunum yfir í SPAR. SPAR leggur áherslu á góða þjónustu, ferskvörur og að mæta daglegum þörfum viðskiptavina með fjölbreyttu vöruúrvali og þægilegri verslunarupplifun.

Vinnustaðurinn

Verslunarstjóri SPAR

SPAR leitar að jákvæðum, ábyrgðarfullum og kraftmiklum verslunarstjóra sem hefur brennandi áhuga á kaupmennsku, rekstri og mannlegum samskiptum. Um er að ræða fullt starf.

Verslunarstjóri ber ábyrgð á heildarrekstri verslunar, daglegri stjórnun og uppbyggingu teymis, ásamt því að taka virkan þátt í áframhaldandi þróun og styrkingu vörumerkisins SPAR.

Helstu verkefni og ábyrgð

Ábyrgð á rekstri verslunar, rekstrarniðurstöðum og daglegri starfsemi
Ábyrgð og umsjón með starfsfólki, þjálfun og uppbyggingu teymis
Virk þátttaka í kaupmennsku, þar á meðal verðmálum, vöruvali og framboði
Stuðla að áframhaldandi þróun og uppbyggingu vörumerkisins SPAR
Tryggja framúrskarandi þjónustu og jákvæða upplifun viðskiptavina
Samskipti við viðskiptavini, birgja og samstarfsaðila
Ábyrgð á vöruframsetningu og áfyllingum
Ábyrgð á birgðahaldi og lágmörkun rýrnunar
Önnur tilfallandi verkefni

Menntunar- og hæfniskröfur

Menntun í viðskipta- eða verslunarfræðum mikill kostur
Marktæk reynsla af stjórnun hjá verslunar- og/eða þjónustufyrirtæki
Styrkleiki í mannlegum samskiptum, sjálfstæð vinnubrögð, skipulagshæfni og reglusemi

Fríðindi í starfi

Heilsustyrkur
Afsláttarkjör í verslunum Samkaupa
Velferðarþjónusta Samkaupa

Allar nánari upplýsingar veitir Svanur Valgreisson - [email protected]

Samkaup hefur hlotið titilinn Menntafyrirtæki atvinnulífsins 2022 og einnig jafnlaunavottun Jafnréttisstofu.

Samkaup rekur 62 verslanir víðsvegar um landið. Þær spanna allt frá lágvöruverðsverslunum til þægindaverslana. Helstu verslunarmerki Samkaupa eru: Nettó, Kjörbúðin, Prís, SPAR, Krambúðin og 10-11. Hjá félaginu starfa um 1400 starfsmenn í um 650 stöðugildum.

Samkaup státar af öflugri jafnréttisstefnu sem nær ekki einungis til jafnréttis kynjanna heldur beinist einnig að hinsegin starfsfólki, erlendu starfsfólki og starfsfólki með skerta starfsgetu. Jafnréttisstefnan kallast Jafnrétti fyrir alla – Samkaup alla leið! og er stefna sem er unnið markvisst eftir á öllum starfsstöðvum Samkaupa.

Auglýsing birt6. júlí 2026

UmsóknarfresturEnginn

Tungumálahæfni

Engar sérstakar tungumálakröfur

Staðsetning

Hagasmári 1, 201 Kópavogur

Starfstegund

Starfsgreinar

Starfsmerkingar

Sambærileg störf (12)