Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Verkefnisstjóri alþjóðlegra námskeiða

Hefur þú áhuga á háskólastarfi og vilt styðja við alþjóðavæðingu náms og kennslu?

Laust er til umsóknar fullt starf verkefnisstjóra alþjóðlegra námskeiða á alþjóðasviði Háskóla Íslands.

Alþjóðasvið sér um formleg samskipti Háskóla Íslands við erlendar menntastofnanir og styður alþjóðlegt samstarf innan háskólans. Sviðið veitir nemendum, starfsfólki og fræðasviðum fjölbreytta þjónustu og ráðgjöf í tengslum við nám og störf erlendis, þátttöku í alþjóðlegum samstarfsverkefnum og móttöku erlendra samstarfsaðila. Verkefnisstjórinn tilheyrir Aurora-teymi HÍ sem hefur umsjón með þátttöku háskólans í evrópska háskólanetinu Aurora.

Helstu verkefni og ábyrgð

Stuðningur við kennara og deildir HÍ vegna skipulags alþjóðlegra námskeiða þvert á Aurora-háskólana
Umsýsla með styrkjum og sjóðum vegna Aurora-námskeiða við HÍ
Upplýsingagjöf til starfsfólks HÍ um tækifæri Aurora-samstarfsins t.d. með kynningum og viðburðum
Samstarf þvert á Aurora-háskólana um alþjóðavæðingu kennslu

Menntunar- og hæfniskröfur

Háskólapróf sem nýtist í starfi, t.d. í alþjóðasamskiptum, kennslufræði eða verkefnastjórnun
Reynsla af verkefnastjórnun alþjóðlegra samstarfsverkefna er æskileg
Reynsla af alþjóðlegu háskólaumhverfi og/eða kennsluþróun er kostur
Góð kunnátta og færni til tjáningar í ræðu og riti á íslensku og ensku
Góð skipulags- og samskiptahæfni
Metnaður, frumkvæði, sjálfstæði og nákvæmni í vinnubrögðum

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.

Nánari upplýsingar veitir:

Fanney Karlsdóttir, teymisstjóri Aurora - [email protected]

Auglýsing birt5. ágúst 2025

Umsóknarfrestur15. ágúst 2025

Tungumálahæfni