Laus störf Hæfnileit Vinnustaðir Námskeið

Aveo ehf.

Aveo þróar háþróaða hermitækni sem gerir starfsemi á flugvöllum öruggari og skilvirkari, en með ökuherminum Orion Driver geta flugvellir þjálfað starfsfólk sitt í raunverulegum aðstæðum innan stafrænnar eftirlíkingar (e. digital twin) af flugvellinum. Frá árinu 2019 hefur Orion Driver verið í þróun með það að markmiði að auka hæfni ökumanna á flugvöllum. Kerfið undirbýr ökumenn fyrir akstur í raunverulegum aðstæðum, allt frá bestu aðstæðum og yfir í krefjandi aðstæður lélegs skyggnis og erfiðra vetraraðstæðna. Aveo byggir á áratuga sérþekkingu innan fluggeirans og á sér sterkar rætur í flugstjórn í gegnum tengsl sín við Tern Systems. Aveo er í dag leiðandi í stafrænni vegferð flugvallarreksturs og aðstoðar flugvelli um allan heim við að innleiða öruggari, snjallari og sjálfbærari leiðir við þjálfun ökumanna. Kynntu þér málið nánar á www.aveo.is

Vinnustaðurinn

Unreal Engine Technical Artist / Generalist

Notaðu þekkingu þína á leikjatækni til að gera flugheiminn öruggari! Markmið Aveo er að auka öryggi á flugvöllum með þjálfun ökumanna í stafrænum eftirlíkingum (Digital Twin) af flugvöllum. Aveo þróar Orion Driver, aksturshermi fyrir flugvelli sem er nú þegar í notkun á stórum flugvöllum í Bretlandi, Ástralíu og á Íslandi.

Við leitum að öflugum Unreal Engine Generalist í teymið okkar. Í þessu hlutverki munt þú brúa bilið á milli hönnunar, forritunar og velgengni viðskiptavina. Þú munt hjálpa til við að fínstilla vinnuferla, auka sjónræn gæði og tryggja að ökuhermirinn okkar skili frábærri upplifun til viðskiptavina Aveo.

Þetta er fullkomið tækifæri fyrir einhvern sem hefur áhuga á bæði tæknilegum og listrænum hliðum Unreal Engine, góða yfirsýn í flóknum verkefnum, áræðin(n) og nákvæm(ur) og til í að leysa áhugaverð vandamál með okkur.

Helstu verkefni:

Unreal Engine 5: Vinna náið með Unreal Engine 5, nýta Blueprint forritun og sjá um almenna uppsetningu og stillingar á Actors.
Hönnunargögn (Asset Pipeline): Búa til, fínstilla og flytja inn þrívíddarmódel og áferðir (textures) og tryggja að þau flæði vel inn í Unreal Engine.
Gæðaprófanir og vélbúnaður: Prófa og sannreyna útgáfur af ökuherminum á ýmsum vélbúnaði (t.d. VR gleraugu, stýri, pedala o.s.frv.) áður en hann er afhentur til viðskiptavina.
Brúa bilið: Vera tengiliður á milli hönnunar og tækni og tryggja að sjónrænu gögnin skili frábærri frammistöðu án þess að slaka á gæðum.
Verkefnastjórn og innleiðingar: Umsjón með innleiðingu á ökuherminum til nýrra viðskiptavina, stýra tímalínum og tryggja að Orion Driver séu innleiddur á farsælan hátt.

Hverjum erum við að leita að:

Þú hefur einlægan áhuga á bæði tæknilegum og listrænum hliðum Unreal Engine.
Þú hefur framúrskarandi skipulagshæfileika og treystir þér fullkomlega til að stýra verkefnum og tæknilegum innleiðingum.
Þú hefur grunn færni í Blender.
Þér líður vel í vinnuumhverfi UE5.
Þú hefur grunnskilning á React og almennri vefþróun.
Þér er virkilega annt um gæði, smáatriði og lokaútkomuna fyrir notandann.
Þú ert fljót(ur) að læra, aðlögunarhæf(ur) og tilbúin(n) að stökkva í fjölbreytt verkefni eftir þörfum.

Hvað bjóðum við?

Sprotaumhverfi þar sem þú hefur bein áhrif á vöruna, framtíðarsýn og vinnustaðamenninguna alveg frá grunni.
Samkeppnishæf laun.
Kauprétt (Stock options).
Vinnu við verkefni sem skipta máli, þar sem leikjatækni og flugiðnaður mætast.

Aðrar upplýsingar: