Laus störf Hæfnileit Vinnustaðir Námskeið

Vallaskóli, Selfossi

Vallaskóli varð til 1. ágúst 2002 við sameiningu skólanna tveggja á Selfossi, Sólvallaskóla og Sandvíkurskóla. Skólinn er því nýr skóli á gömlum grunni. Vallaskóli er tæplega 600 nemenda skóli í hjarta Selfoss. Sérstaða skólans er m.a. smiðjukennsla á unglingastigi, öflugt list og verkgreinastarf og við skólann er fjölmenningardeild, sjá www.vallaskoli.is. Í skólanum er lögð áhersla á sveigjanlega og fjölbreytta kennsluhætti, jákvæðan aga, einstaklingsmiðað nám, teymisvinnu kennara, ábyrgð nemenda og góða samvinnu allra sem að skólastarfinu koma. Starfsmenn skólans munu taka þátt í stefnumörkun hans sem tekur meðal annars mið af menntastefnu Sveitarfélagins Árborgar sem byggir á hugmyndinni um skólann sem lifandi lærdómssamfélag.

Vinnustaðurinn

Umsjónarkennari á yngsta stigi í Vallaskóla - 100% staða

Vallaskóli er um 520 nemenda skóli í hjarta Selfoss. Sérstaða skólans er m.a. öflugt list- og verkgreinastarf og við skólann er fjölmenningardeild. Í Vallaskóla er lögð áhersla á sveigjanlega og fjölbreytta kennsluhætti, einstaklingsmiðað nám, teymisvinnu kennara, ábyrgð nemenda og góða samvinnu allra sem að skólastarfinu koma. 

Auglýst er eftir 100% stöðu umsjónarkennara á yngsta stigi frá 1. ágúst 2026.

Í Sveitarfélaginu Árborg búa um 13.000 íbúar og starfa um 1100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Annast kennslu samkvæmt meginmarkmiðum Aðalnámskrá grunnskóla með hliðsjón af þörfum og þroska nemenda. 
Umsjón með daglegu skólastarfi og viðkomandi nemendahópum. 
Tekur þátt í teymisvinnu/teymiskennslu í árgangi.
Samskipti á vegum skólans og við foreldra/forráðamenn. 
Fylgist með velferð nemenda og hlúir að þeim í samstarfi við fagaðila eftir þörfum. 
Tekur þátt í skólaþróun í samræmi við stefnu skólans og sveitarfélagsins.

Menntunar- og hæfniskröfur

Leyfisbréf kennara. 
Frumkvæði, skipulagshæfileikar og sjálfstæð vinnubrögð. 
Hæfni og áhugi á skólastarfi.
Góð færni í mannlegum samskiptum.
Hæfni til að tjá sig í ræðu og riti á íslensku. 
Áhugi á skólaþróun og skapandi kennsluháttum mikilvægur.

Umsóknarfrestur er til og með 28. maí 2026. 

Umsóknum fylgi leyfisbréf, yfirlit yfir nám, fyrri störf og rökstuðningur fyrir hæfni í starfi. Umsókn ásamt fylgigögnum skal skila í gegnum ráðningarvefinn www.alfred.is

Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags. Vakin er athygli á stefnu Árborgar að jafna hlutfall kynjanna í störfum og að vinnustaðir endurspegli fjölbreytileika samfélagsins. 

Nánari upplýsingar um starfið veita Páll Sveinsson skólastjóri [email protected] , sími 480-5850 og Þorvaldur Halldór Gunnarsson, aðstoðarskólastjóri, [email protected] , sími 480-5850.  
Sjá einnig heimasíðu skólans www.vallaskoli.is . 

Auglýsing birt18. maí 2026

Umsóknarfrestur28. maí 2026

Tungumálahæfni