Laus störf Hæfnileit Vinnustaðir Námskeið

Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Umsjón með eldhúsi í félagsstarfi fullorðinna í Hvassaleiti

Félagsstarf fullorðinna í Hvassaleiti 56-58 leitar að starfsmanni til að vera með umsjón yfir eldhúsinu. Um er að ræða opið félagsstarfi sem býður upp á hádegismat og selur veitingar í eftirmiðdags kaffi.

Umsjónarmaður í eldhúsi hefur yfirumsjón með daglegum rekstri eldhússins og skipuleggur störfin í samræmi við almenna heilbrigðis- og hollustuhætti. Annast móttöku og framreiðslu hádegisverðar frá framleiðslueldhúsi.

Ábyrgð á skipulagningu og framreiðslu á hádegismat og eftirmiðdags kaffi. Sinnir almennum eldhússtörfum og þvotti frá eldhúsi. Ber ábyrgð á daglegu uppgjöri og stendur skil á því til forstöðumanns. Sér um að húsnæði sé tilbúið til viðeigandi notkunar og ber ábyrgð á frágangi eftir notkun.

Helstu verkefni og ábyrgð

Skipuleggja dagleg störf og annast verkstjórn í eldhúsi.
Ábyrgð á áætlunum um pantanir/innkaup á matvælum og hreinlætisbúnaði og eftirlit með birgðum.
Annast pantanir, móttöku og framreiðslu hádegisverðar frá framleiðslueldhúsi.
Undirbúa kaffisölu og sjá um bakstur.
Annast uppgjör og stendur skil á sölu í eldhúsi til yfirmanns.
Sinna almennum eldhússtörfum, s.s. að leggja á borð, prenta út matseðla, aðstoða þá sem þurfa aðstoð og sjá um sérrétti.
Sjá um að þrif og frágangur í eldhúsi sé í samræmi við reglur heilbrigðiseftirlitsins og hefur eftirlit með að hitastig á kæliskápum og frystum sé rétt.
Sjá um að húsnæði sé tilbúið til viðeigandi notkunar og ber ábyrgð á frágangi eftir notkun.
Annast undirbúning og taka þátt í framkvæmd þegar sérstakir viðburðir eru á dagskrá, t.d. í tengslum við sýningar, fundahöld og/eða aðra uppákomur.
Önnur þau störf sem starfsmanni kunna að vera falin af yfirmanni.

Menntunar- og hæfniskröfur

Reynsla af eldhússtörfum.
Reynsla af verkstjórn kostur.
Hæfni í mannlegum samkiptum og jákvætt viðmót.
Frumkvæði og sjálfstæði í vinnubrögðum.
Reglusemi og þrifnaður.
Góð almenn menntun
Hreint sakavottorð í samræmi við lög og reglur Reykjavíkurborgar

Fríðindi í starfi

36 stunda vinnuvika
Frítt í sund í öllum sundlaugum Reykjavíkur
Heilsuræktarstyrkur
Menningarkort
Samgöngustyrkur

Í samræmi við mannréttindastefnu Reykjavíkurborgar og nýsamþykkta velferðarstefnu er lögð áhersla á að starfsstaðir velferðarsviðs endurspegli fjölbreytileika samfélagsins. Við hvetjum því fólk af öllum kynjum, fatlað fólk og fólk með fjölbreyttan menningarlegan bakgrunn til að sækja um starfið.

Um er að ræða 100% starf.

Vinnutími er kl. 8-16 virkar daga. Á móti kemur stytting vinnuvikunar sem er samkomuatriði milli starfsmanns og vinnustaðarins.

Laun eru samkvæmt samningi Reykjavíkurborgar og viðkomandi stéttarfélags.

Nánari upplýsingar veitir Hörður Sturluson [email protected]

Auglýsing birt28. maí 2026

Umsóknarfrestur7. júní 2026

Tungumálahæfni