Laus störf Hæfnileit Vinnustaðir Námskeið

Almenningssamgöngur höfuðborgarsvæðisins ohf.

Almenningssamgöngur ohf. er nýstofnað systurfélag Betri Samgangna ohf. Tilgangur félagsins er að annast þróun, skipulag og rekstur almenningssamgangna á höfuðborgarsvæðinu með sjálfbærni að leiðarljósi. Reksturinn tekur jafnt til leiðakerfis hefðbundinna strætisvagnaleiða og Borgarlínu. Jafnframt er tilgangur félagsins að styðja við loftslagsmarkmið stjórnvalda um sjálfbært, kolefnishlutlaust borgarsamfélag, stuðla að auknu umferðaröryggi og að tryggja skilvirkt samstarf milli ríkisins og sveitarfélaga á höfuðborgarsvæðinu um trausta umgjörð á uppbyggingu hágæða almenningssamgangna.

Vinnustaðurinn

Sviðsstjóri þróunar og skipulags

Vilt þú leggja þitt að mörkum í samfélagsþróun og öflugum almenningssamgöngum?

Við leitum að kraftmiklum sviðsstjórum til að taka þátt í einu mikilvægasta framtíðarverkefni höfuðborgarsvæðisins

Svið þróunar og skipulags er annað af kjarnasviðum félagsins. Sviðið ber ábyrgð á er haldið utan um leiðarkerfi í almenningssamgöngum og þróun þess, útboð og innkaup, þar með talið útboð á öllum akstri félagsins. Þróunarverkefni á sviði upplýsingatækni og stafrænna lausna eru á sviðinu og sömuleiðis þróunarverkefni og framkvæmd innviðaverkefna s.s. uppbygging á hleðsluinnviðum.

Helstu verkefni og ábyrgð

Þátttaka í uppbyggingu félagsins, mótun stefnu og innleiðingu hennar í samstarfi við framkvæmdastjórn.
Ber ábyrgð á rekstri sviðsins, markmiðum þess, fjárhagsáætlun og árangri í samræmi við stefnu félagsins
Þróa og innleiða nýtt leiðanet almenningssamgangna á höfuðborgarsvæðinu með áherslu á þjónustugæði, trúverðugleika, skilvirkni og sjálfbærni.
Rekstur leiðarkerfis, frávikagreiningar og viðbragð.
Eftirfylgni með gæðaviðmiðum í samningum við verktaka. Tryggja nauðsynlega fræðslu, þjálfun og aðra þætti.
Þróa stafrænar lausnir sem styðja markmið félagsins um bætta þjónustu, aukið aðgengi og aukin gæði í almenningssamgöngum.
Stýra útboðum, innkaupum, þjónustusamningum og rekstri samninga.
Stuðla að innviðauppbyggingu sem styður þróun leiðarnets og hagkvæmar lausnir í tengslum við útboð félagsins á akstri og annarri þjónustu.

Menntunar- og hæfniskröfur

Árangursrík reynsla af stjórnun og rekstri og færni í greiningum.
Leiðtogahæfni og geta til að byggja upp öflugt og árangursmiðað starfsumhverfi.
Reynsla af stefnumótun og innleiðingu stefnu.
Reynsla af samningagerð, útboðum og opinberum innkaupum er æskileg.
Skilningur og áhugi á sjálfbærni, skipulagsmálum, orkuskiptum og nýsköpun í þjónusturekstri.
Skipulagshæfni, færni og reynsla til að leiða breytingar og aðlaga rekstur að nýjum áskorunum.
Háskólapróf sem nýtist í starfi.
Góð kunnátta í íslensku og ensku.

Um Almenningssamgöngur höfuðborgarsvæðisins ohf.

Almenningssamgöngur höfuðborgarsvæðisins ohf. voru stofnaðar 1. september 2025 og munu 1. júlí 2026 taka við rekstri almenningssamgangna á svæðinu, strætisvagna og Borgarlínunnar, þegar hún hefur akstur 2031. Starfsfólk verður um 30-40 manns og velta um 19 milljarðar króna. Fjöldi ferða er um 35.000 á dag, en er áætlað að verði um 100.000 þegar Borgarlínan er komin í fulla virkni árið 2040.

Auglýsing birt25. febrúar 2026

Umsóknarfrestur9. mars 2026

Tungumálahæfni