Laus störf Hæfnileit Vinnustaðir Námskeið

Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Sumarstarf - frístundastarf fyrir fötluð börn og ungmenni - Kletturinn

Hafnarfjarðarbær óskar eftir jákvæðum og metnaðarfullum sumarstarfsmanni í Klettinn. Kletturinn er frístunda, - og virkniúrræði fyrir fötluð börn og ungmenni á aldrinum 10–20 ára. Um er að ræða 100% starf í aldursskiptum hópum þar sem boðið er upp á fjölbreytta afþreyingu og stuðning við ungmenni í atvinnutengdum virkniúrræðum.

Sumarstarfið hentar einstaklega vel þeim sem vilja starfa með börnum og ungmennum og taka þátt í skapandi og líflegu starfi. Markmiðið með starfinu er að þátttakendur fái tækifæri til að kynnast nýjum tómstundum, taki þátt í fjölbreyttum vinnuverkefnum og eflist félagslega.

Vinnutími er alla virka daga frá kl. 8:00–16:00 eða 08:30-16:30.

Helstu verkefni og ábyrgð
• Vera jákvæð fyrirmynd og hafa uppbyggileg áhrif á börn og ungmenni í daglegu lífi.
• Taka þátt í skipulagningu, undirbúningi og framkvæmd fjölbreytts tómstundastarfs í samstarfi við starfsfólk og þátttakendur.
• Skapa öruggt, virðingarfullt og jákvætt andrúmsloft, byggt á lýðræðislegum vinnubrögðum.
• Veita þátttakendum stuðning við athafnir daglegs lífs, eftir þörfum hvers og eins.
• Stuðla að sjálfstæði, félagsfærni og vellíðan einstaklinga í starfinu.
• Önnur verkefni samkvæmt starfslýsingu eða eftir beiðni yfirmanns.

Menntunar- og hæfniskröfur
• Reynsla af starfi með börnum og unglingum.
• Æskilegt er að hafa reynslu af starfi með fötluðum börnum eða ungmennum.
• Sjálfstæð og skipulögð vinnubrögð.
• Góð samskipta- og samstarfshæfni.
• Frumkvæði og jákvætt viðmót.
• Íslenskukunnátta er skilyrði.

Skilyrði
• Umsækjendur þurfa að hafa náð 18 ára aldri.
• Hreint sakavottorð er skilyrði.

Launakjör
Laun eru greidd samkvæmt kjarasamningi Sambands íslenskra sveitarfélaga og Starfsmannafélags Hafnarfjarðar.

Frekari upplýsingar um starfið veita:
Auður Björk Kvaran, [email protected]
Sandra Björk Halldórsdóttir, [email protected]
Erna Sóley Stefánsdóttir, [email protected]
Sími: 565-5100

Umsóknarfrestur er til og með 13. mars 2026.
Umsókn skal fylgja ferilskrá.

Vakinn er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins

Auglýsing birt13. febrúar 2026

Umsóknarfrestur13. mars 2026

Tungumálahæfni