Laus störf Hæfnileit Vinnustaðir Námskeið

Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Símans eru skapandi, fagleg og árangursdrifin.

Vinnustaðurinn

Stafrænn hönnuður

Við leitum að metnaðarfullum og reynslumiklum einstaklingi til að ganga til liðs við hönnunarteymi Símans. Stafrænn hönnuður ber ábyrgð á hönnun notendaviðmóta fyrir sjónvarpsviðmót, vefsíður og aðrar stafrænar vörur Símans. Hlutverkið felur í sér að tryggja samræmi í hönnun, skapa notendavæna upplifun og vinna þétt með þverfaglegu teymi í þróunarferlinu.

Hjá Símanum færðu tækifæri til að taka þátt í spennandi verkefnum þar sem nýsköpun, þjónusta og árangur eru í fyrirrúmi. Við bjóðum upp á kraftmikið starfsumhverfi, gott andrúmsloft og tækifæri til að hafa raunveruleg áhrif.

Helstu verkefni og ábyrgð

Hönnun og þróun notendaviðmóta fyrir sjónvarpsviðmót, vefsíður og aðrar stafrænar vörur Símans
Taka þátt í að byggja upp hönnunarkerfi og leiðarvísir fyrir samræmda upplifun
Náin samvinna með vöruþróunarteymi, forriturum og öðrum hagsmunaaðilum
Prófanir og endurbætur á hönnun byggðar á notendarannsóknum og endurgjöf
Skilgreining og framsetning á notendaupplifun (UX) í samræmi við þarfir notenda
Gerð frumgerða (e. wireframes og mockups) fyrir nýjar vörur og eiginleika

Menntunar- og hæfniskröfur

Háskólamenntun í hönnun eða sambærileg menntun er skilyrði
Umtalsverð reynsla af stafrænni hönnun
Reynsla af helstu hönnunarforritum eins og Figma eða öðrum sambærilegum tólum
Góður skilningur á hönnunarferli frá hugmyndavinnu til lokaafurðar er skilyrði
Reynsla af notendaprófunum og rannsóknum er kostur
Grunnskilningur á forritun sem og þekking á HTML og CSS er kostur
Skipulagshæfni, sjálfstæð vinnubrögð og góð samskiptafærni

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Síðan 1906 hefur Síminn tengt heimili og fyrirtæki á Íslandi við umheiminn. Við leggjum áherslu á að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta jákvætt, árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 18. janúar 2026.

Nánari upplýsingar veitir [email protected]

Í anda jafnréttisstefnu Símans hvetjum við öll kyn til að sækja um.

Auglýsing birt6. janúar 2026

Umsóknarfrestur18. janúar 2026

Tungumálahæfni