Sölu- og þjónusturáðgjafi á sölusviði

Skeljungur leitar eftir þjónustulunduðum einstaklingi í fyrirtækjaþjónustu Skeljungs.
Skeljungur leitar að jákvæðum, metnaðarfullum og þjónustulunduðum einstaklingi til starfa í fyrirtækjaþjónustu á starfsstöð félagsins í Skútuvogi 1, Reykjavík. Starfið er á Sölusviði og snýst um að sinna viðskiptavinum í gegnum síma, veita þjónustu í verslun fyrirtækisins og önnur tilfallandi verkefni.

Starfsemi Skeljungs er á sviði sölu og þjónustu við fyrirtæki tengt fjölorku. Fyrirtækið sér um dreifingu, innkaup og heildsölu á eldsneyti, smurolíum, hreinsi- og efnavörum, áburði sem og öðrum vörum og þjónustuþáttum til fyrirtækja og bænda. Þjónusta og sala til stórnotenda, til útgerða, í flug og verktöku er kjarni starfseminnar.

Hjá Skeljungi starfar fjölbreyttur hópur fólks á öllum aldri. Mannauðurinn er mikilvægasta auðlind Skeljungs. Við berum hag starfsmanna fyrir brjósti og viljum vera í fremstu röð hvað varðar réttindi þeirra, öryggi og starfsumhverfi. Í okkar daglega starfi vinnum við eftir kjarnagildunum okkar, við erum jákvæð, við erum tilbúin í breytingar og við erum metnaðarfull.