Laus störf Hæfnileit Vinnustaðir Námskeið

Bílaumboðið Askja

Bílaumboðið Askja er framsækið þjónustufyrirtæki sem sérhæfir sig í sölu og þjónustu á nýjum og notuðum bifreiðum frá Mercedes-Benz, Kia, Honda og smart ásamt þjónustu og viðhaldi fyrir viðskiptavini Öskju, bæði til einstaklinga og fyrirtækja. Við vitum að eitt mesta virði okkar felst í góðum mannauð. Hjá Öskju starfar samheldin og fjölbreyttur hópur sem býr yfir brennandi áhuga í sínu fagi, framúrskarandi þjónustulund og metnaði til ná árangri. Askja býður upp á fyrirmyndaraðstöðu fyrir starfsfólk, eitt fullkomnasta bifreiðaverkstæði landsins, glæsilega sýningarsali og varahlutaþjónustu. Lögð er sérstök áhersla á að skapa menningu sem einkennist af gleði, samvinnu og sveigjanleika. Markmið fyrirtækisins er að vera leiðandi í þjónustu til viðskiptavina með því að veita starfsfólki stuðning og skapa því umhverfi sem byggir á metnaði, fagmennsku og heiðarleika. Askja er staðsett á Krókhálsi í þremur húsnæðum. Askja notaðir bílar eru á Krókhálsi 7 þar sem við bjóðum upp á úrval notaðra bíla frá öllum bílaframleiðendum. Sýningarsalur Mercedes-Benz og smart er á Krókhálsi 11 ásamt höfuðstöðvum Öskju og skrifstofu og svo sýningarsalur Kia og Honda á Krókhálsi 13.

Vinnustaðurinn

Söluráðgjafi Kia

Askja leitar að öflugum aðila sem hefur metnað til að ná árangri og hefur gaman af samskiptum við fólk til að sinna starfi söluráðgjafa hjá Kia. Kia var mest seldi bíllinn árið 2025. Við bjóðum einstakt tækifæri til að takast á við fjölbreytt og krefjandi verkefni í lifandi umhverfi.

Askja er sölu- og þjónustuumboð fyrir Mercedes-Benz, Kia, Honda og smart. Hjá Öskju starfar vel þjálfaður og öflugur hópur starfsfólks, en virk þjálfun og endurmenntun starfsfólks er í samræmi við gæðastaðla birgja. Askja er dótturfélag Inchcape á Íslandi sem er hluti af alþjóðlega fyrirtækinu Inchcape Plc sem sérhæfir sig í sölu og dreifingu á bifreiðum og er skráð í kauphöllina í London. Inchcape er leiðandi fyrirtæki á sínu sviði, starfar á 38 mörkuðum með yfir 16.000 starfsmenn og vinnur með stærstu bílaframleiðendum heims.

Helstu verkefni og ábyrgð

Móttaka viðskiptavina, þjónusta og ráðgjöf
Símsvörun og svörun tölvuskilaboða
Eftirfylgni viðskiptavina og uppbygging viðskiptasambanda
Framsetning bíla, verðmerkinga og annars efnis á sýningarsvæði
Úthringiverkefni
Tilboðsgerð, eftirfylgni og samningagerð
Önnur verkefni sem stjórnandi felur starfsmanni

Fríðindi í starfi

Reynsla af sölustörfum æskileg
Skipulögð vinnubrögð og vilji til að ná árangri í starfi
Jákvætt viðhorf og lausnamiðuð hugsun
Rík þjónustulund og mikil samskiptahæfni
Góð íslensku- og enskukunnátta
Gild ökuréttindi

Af hverju að vinna með okkur?

Vertu hluti af hratt vaxandi, alþjóðlegu fyrirtæki með þekkt bílamerki
Starfaðu með stuðningsríku og samvinnuþýðu teymi sem leggur áherslu á nýsköpun, fjölbreytileika og faglegt vinnuumhverfi
Tækifæri til að þróa feril þinn innan alþjóðlegs fyrirtækis

Um er að ræða 100% framtíðarstarf. Nánari upplýsingar um starfið veitir Helgi Ragnar Gunnarsson sölustjóri kia [email protected]

Ef til þess kemur að þér verði boðið starf kann félagið að óska eftir sakavottorði ásamt annars konar upplýsingum sem staðfesta menntun þína og reynslu, s.s. prófskírteini. Jafnframt kann félagið að óska eftir því að skilað sé inn upplýsingum um fjárhagslegar skuldbindingar, einkum staðfestingu á því að þú sért hvorki gjaldþrota né á vanskilaskrá. Fer slík upplýsingaöflun eftir eðli þess starfs sem um ræðir hverju sinni.

Auglýsing birt9. febrúar 2026

Umsóknarfrestur18. febrúar 2026

Tungumálahæfni