Sölu- og þjónusturáðgjafi - hlutastarf

Flügger leitar að sölu- og þjónusturáðgjafa til starfa í sumar- og hlutastarf í verslanir sínar á höfuðborgarsvæðinu

Hefur þú áhuga á að veita góða þjónustu og ráðgjöf, innanhúshönnun, málningu, litum og verkferlum?

Við leitum að aðila sem finnst spennandi að aðstoða viðskiptavini við málningarverkefnin sín.
Starfið felur í sér afgreiðslu, þjónustu og ráðgjöf til viðskiptavina, ásamt því að tryggja að verslunin sé snyrtileg og aðgengileg fyrir viðskiptavini.

Við leitum eftir ábyrgum, traustum og þjónustuliprum einstakling sem býr yfir góðri samskiptahæfni. Reynsla af sambærilegu starfi, málningarvinnu og/eða iðnmenntun sem nýtist í starfi er kostur.

Unnið er á vöktum, sem innihalda seinni parta á virkum dögum, annan hvern laugardag og/eða helgi. Um er að ræða hlutastarf í haust fram að næsta sumri og fullt starf næsta sumar. Hentar vel með skóla.

Hjá Flügger eru verkefnin fjölbreytt og alltaf eitthvað nýtt og spennandi að gerast hjá okkur. Við erum samhent teymi sem þrífst á því að eiga góða vinnudaga saman og tryggja viðskiptavinum okkar frábæra þjónustu þegar þeir ætla að breyta til hjá sér.

Leitað er að aðila sem náð hefur 18 ára aldri og við hvetjum öll áhugasöm til þess að sækja um starfið, óháð kyni eða bakgrunni.