Mazda, Peugeot, Citroën og Opel á Íslandi | Brimborg

Brimborg er sölu- og þjónustuaðili Mazda, Peugeot, Citroën og Opel á Íslandi. Brimborg er eitt öflugasta fyrirtæki landsins á bílamarkaði með umboð fyrir mörg af þekktustu bílamerkjum heims en auk Mazda, Peugeot, Citroën og Opel hefur Brimborg umboð fyrir Volvo, Ford og Polestar, ásamt Volvo vörubílum, Volvo vinnuvélum og Volvo Penta bátavélum auk hágæða hjólbarða frá Nokian. Fyrirtækið rekur í dag bílaumboð, bílasölu fyrir fólksbifreiðar, atvinnubíla- og atvinnutæki, bílaleigu og víðtæka varahluta- og verkstæðisþjónustu fyrir bíla og atvinnutæki.

Vinnustaðurinn

Sölu- og þjónustufulltrúi í verkstæðismóttöku

Brimborg leitar að starfskrafti í líflegt og skemmtilegt starf sölu- og þjónustufulltrúa í verkstæðismóttöku Mazda, Peugeot, Citroën og Opel í framúrskarandi starfsumhverfi.

Brimborg er eitt öflugasta fyrirtæki landsins á bílamarkaði með umboð fyrir mörg af þekktustu bílamerkjum heims eins og Mazda, Citroën, Peugeot, Opel, Ford, Volvo og Polestar ásamt Volvo vörubílum, Volvo vinnuvélum og Volvo Penta bátavélum.

Við leitum að einstaklingi sem:

Hefur náttúrulega ástríðu fyrir sölu- og framúrskarandi þjónustu
Er skipulagður, samviskusamur og metnaðarfullur
Nýtur sín í krefjandi og markmiðadrifnu umhverfi

Við bjóðum uppá:

Skemmtilegt, líflegt og fjölbreytt starf hjá metnaðarfullu fyrirtæki
Öflugt starfsmannafélag með fjölbreyttu félagslífi og viðburðum

Helstu verkefni og ábyrgð

Tímabókanir á verkstæði
Sala vöru- og þjónustu
Verðáætlanir og tilboð
Samskipti við viðskiptavini
Eftirfylgni sölu- og þjónustubeiðna
Útlán þjónustuleigubíla og dagleg umsýsla þeirra
Svara fyrirspurnum og erindum sem berast

Menntunar- og hæfniskröfur

Stúdentspróf eða iðnmenntun sem nýtist í starfi kostur
Framúrskarandi þjónustulund og samskiptahæfileikar
Frumkvæði í starfi og sjálfstæð vinnubrögð
Snyrtimennska og stundvísi
Heiðarleiki, áreiðanleiki og vönduð vinnubrögð
Færni í notkun upplýsingatæknikerfa Windows, reynsla í CRM/Navision/Dynamics er kostur
Gilt bílpróf
Góð íslensku- og enskukunnátta