Laus störf Hæfnileit Vinnustaðir Námskeið

Náttúrufræðistofnun

Á Náttúrufræðistofnun starfa tæplega 80 manns við rannsóknir, kortlagningu og vöktun á náttúru landsins. Starfsandi á stofnuninni er góður og er leitast við að bjóða fjölskylduvænan vinnustað. Við ráðningar í störf hjá Náttúrufræðistofnun er tekið mið af jafnréttisstefnu stofnunarinnar. Starfsstöðvar Náttúrufræðistofnunar eru fimm, í Garðabæ, á Akranesi, við Mývatn, á Breiðdalsvík og Akureyri.

Vinnustaðurinn

Sérfræðingur í vistgerðakortlagningu

Náttúrufræðistofnun auglýsir laust tímabundið fullt starf sérfræðings á grasafræðisviði til að taka þátt í kortlagningu vistgerða landsins. Starfið felur í sér fjölbreytta og umfangsmikla vettvangsvinnu ásamt vinnslu landupplýsinga í nánu samstarfi við aðra sérfræðinga stofnunarinnar.

Sérfræðingurinn tekur þátt í undirbúningi og framkvæmd gróðurmælinga, skráningu plantna og umhverfisaðstæðna og gerð og uppfærslu vistgerðakorta. Starfið hentar einstaklingi sem vill sameina vettvangsvinnu og kortagerð.

Starfsstöð getur verið á Akranesi, Akureyri eða í Garðabæ.

Helstu verkefni og ábyrgð

Þátttaka í skipulagningu, undirbúningi og framkvæmd vettvangsvinnu.
Gróðurmælingar, meðal annars sniðmælingar, greining og skráning tegunda æðplantna og skráning upplýsinga um vistgerðir og umhverfisaðstæður.
Söfnun staðsetningargagna og viðmiðunarpunkta til kortlagningar og sannprófunar vistgerðakorta.
Vinnsla landupplýsinga í QGIS með hliðsjón af vettvangsathugunum, loftmyndum, gervitunglamyndum og niðurstöðum annarra sérfræðinga.
Gerð og uppfærsla vistgerðakorta
Gæðaeftirlit með vettvangsgögnum, landupplýsingum og kortum.
Frágangur korta, framsetning niðurstaða og þátttaka í skýrslugerð.
Önnur tilfallandi verkefni á fagsviðinu í samráði við yfirmann.

Menntunar- og hæfniskröfur

Meistaragráða í líffræði, vistfræði eða skyldum greinum
Marktæk reynsla af gróðurrannsóknum og vettvangsvinnu.
Haldgóð þekking á íslenskri flóru.
Færni og reynsla af notkun QGIS og vinnslu landupplýsinga.
Nákvæmni í skráningu, meðferð og yfirferð gagna.
Góð íslensku- eða enskukunnátta í ræðu og riti.
Sjálfstæði í störfum og skipulögð vinnubrögð.
Lipurð í mannlegum samskiptum og góð samstarfshæfni.
Gild ökuréttindi og hreint sakavottorð.

Laun eru samkvæmt gildandi kjarasamningi ríkisins við viðkomandi stéttarfélag.

Eftirfarandi gögn skulu fylgja umsókn

Ferilskrá.
Staðfest afrit prófskírteina.
Upplýsingar um umsagnaraðila.
Stutt kynningarbréf þar sem áhuga á starfinu er lýst og gerð grein fyrir því hvernig menntun og reynsla umsækjanda nýtist í auglýstum starfsþáttum.

Öllum umsóknum verður svarað og umsækjendum tilkynnt um niðurstöðu þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknarfrests.

Öll kyn eru hvött til að sækja um störf hjá Náttúrufræðistofnun í samræmi við jafnréttisáætlun og jafnlaunastefnu stofnunarinnar.

Um Náttúrufræðistofnun

Hjá Náttúrufræðistofnun starfa tæplega 80 manns við rannsóknir, kortlagningu og vöktun á náttúru landsins. Starfsandi á stofnuninni er góður og heimilislegur, þar sem leitast er við að bjóða fjölskylduvænan vinnustað og heilsueflandi vinnuumhverfi. Við ráðningar í störf hjá Náttúrufræðistofnun er tekið mið af jafnréttisstefnu stofnunarinnar.

Starfsstöðvar Náttúrufræðistofnunar eru sex, í Garðabæ, á Akranesi, á Breiðdalsvík, í Mývatnssveit, á Raufarhöfn og á Akureyri.

Auglýsing birt20. október 2026

Umsóknarfrestur30. október 2026

Tungumálahæfni