Reykjavík - Mannauðs- og starfsumhverfissvið

Mannauðs- og starfsumhverfissvið hefur yfirumsjón með mannauðsmálum Reykjavíkurborgar og styður við stefnu og megináherslur borgaryfirvalda. Starfsfólk sviðsins hefur umsjón og eftirlit með framkvæmd mannauðsstefnu, tryggir samræmi í framkvæmd og veitir stjórnendum ráðgjöf. Auk þess annast sviðið mannauðsþjónustu fyrir miðlæga stjórnsýslu í Ráðhúsi og annast gerð kjarasamninga. Auk þess leggur sviðið ríka áherslu á stöðugt og gott samstarf við stjórnendur og mannauðsþjónustu sviða með það að markmiði að auka skilvirkni og gæði þjónustunnar og leggja grunn að góðri vinnustaðamenningu.

Vinnustaðurinn

Reykjavík - Mannauðs- og starfsumhverfissvið

Sérfræðingur í innri miðlun

Skrifstofa starfsþróunar og starfsumhverfis leitar að sérfræðingi á sviði innri miðlunar í 100% starf. Starfið er nýtt starf og er tilgangur þess að efla upplýsingamiðlun, sameiginlega þekkingu og samheldni innan vinnustaðarins Reykjavíkurborgar.

Meðal verkefna eru stuðningur við nýjan innri samskiptamiðil, þróun og miðlun á innra upplýsingaefni og stuðningur við starfsstaði varðandi nýtingu á innri miðlum fyrir starfsfólk.

Skrifstofan er hluti af mannauðs- og starfsumhverfissviði Reykjavíkurborgar og ber ábyrgð á og veitir ráðgjöf um fræðslu, innri miðlun, heilsueflingu, öryggi og vinnuvernd. Mannauðs- og starfsumhverfissvið er staðsett í Ráðhúsi Reykjavíkur en starfið felur í sér vinnu með sérfræðingum í fræðslu og upplýsingamiðlun á öllum sviðum borgarinnar.

Helstu verkefni og ábyrgð

Þátttaka í innleiðingu á nýjum samskiptamiðli sem tekur við af Workplace.
Vinna í vefumsjónarkerfi innri vefs, stafrænu fræðslukerfi og nýjum samskiptamiðli.
Halda utan um samskipti við megintengiliði á sviðum borgarinnar og styðja við uppfærslu og framþróun efnis.
Vinna að útbreiðslu notkunar innri miðla gegnum kynningarstarf, ráðgjöf og fræðslu.
Vinna við efnisgerð, textagerð, hönnun og framleiðslu myndefnis, í samræmi við sérþekkingu.
Hugmyndavinna, markaðssetning og miðlun á fjölbreyttu efni til starfsfólks borgarinnar.
Þátttaka í vinnuhópum og öðrum verkefnum á sviði mannauðs, áætlanagerðar og þarfagreiningar.
Aðkoma að stefnumótun um innleiðingu og þróun innri miðlunar.

Menntunar- og hæfniskröfur

Háskólagráða sem nýtist í starfi, menntun á sviði mannauðsmála eða miðlunar er æskileg.
Reynsla af innri miðlun, samfélagsmiðlavinnu og/eða vefumsjón er skilyrði og önnur mannauðsreynsla æskileg.
Mjög góð færni í ritun, með ólíkum stílbrigðum og frásagnaformum.
Reynsla af fræðslukerfum, myndvinnslu eða framleiðslu á stafrænu fræðsluefni er kostur.
Færni í helstu Office forritum og áhugi á að læra á nýtt fræðslukerfi.
SharePoint reynsla er kostur.
Sjálfstæði og frumkvæði.
Ríkur þjónustuvilji og færni í samvinnu og samskiptum.
Íslenskukunnátta á stigi C2 og enskukunnátta á stigi B2 samkvæmt evrópska tungumálarammanum.