Laus störf Hæfnileit Vinnustaðir Námskeið

Terra hf.

Terra er líflegur og fjölbreyttur vinnustaður. Hjá félaginu starfa um 260 einstaklingar á starfsstöðvum á nokkrum stöðum á landinu. Alla daga vinnum við af dugnaði og eljusemi að því að gera góða hluti fyrir umhverfið. Við veitum fjölbreytta þjónustu á sviði umhverfismála, einkum á sviði úrgangsstjórnunar og endurvinnslu. Frá 1984 hefur Terra lagt áherslu á að þjóna fyrirtækjum, sveitarfélögum og einstaklingum á hagkvæman og umhverfisvænan hátt þar sem tekið er fullt tillit til aðstæðna á hverjum stað og mismunandi þarfa viðskiptavina. Lögð er áhersla á að koma öllum þeim efnum sem falla til í viðeigandi farveg og aftur inn í hringrásarhagkerfið. Við leggjum mikið upp úr fjölskylduvænu vinnuumhverfi, sterkri liðsheild og jákvæðum og góðum starfsanda. Við erum með öflugt starfsmannafélag sem heldur fjölbreytta viðburði yfir allt árið.

Vinnustaðurinn

Sérfræðingur í fræðslumálum

Við leitum að metnaðarfullum sérfræðingi sem hefur áhuga á að vinna með fólki, þróa fræðslu og þjálfun og stuðla að góðri starfsupplifun. Ef þú ert jákvæður, drífandi og lausnamiðaður, með auga fyrir góðu skipulagi og hefur gaman af að koma hugmyndum í framkvæmd, þá viljum við heyra frá þér.

Við leitum að öflugum sérfræðingi í fræðslumálum sem vill taka þátt í að efla hæfni, þekkingu og starfsþróun starfsfólks um alla samstæðuna en við erum yfir 300 manns. Starfið er fjölbreytt og áhrifamikið, þar sem þú færð tækifæri til að leiða fræðslumál, þróa nýjar lausnir og taka þátt í áframhaldandi uppbyggingu mannauðsstarfs Terra.

Þú munt starfa á sviði sjálfbærni og menningar og eiga samstarf við stjórnendur og starfsfólk móður- og dótturfélaga Terra. Starfið snýr ekki eingöngu að fræðslu heldur einnig að umbótastarfi, ferlavinnu og verkefnum sem styðja við öfluga starfsmenningu og faglegt starfsumhverfi.

Við nýtum meðal annars fræðslu- og upplýsingakerfið Relesys og erum að innleiða Journeys frá 50skills. Sérfræðingur í fræðslumálum mun gegna lykilhlutverki í þeirri vegferð og hafa tækifæri til að móta hvernig við nálgumst fræðslu, starfsþróun og þekkingarmiðlun til framtíðar.

Helstu verkefni og ábyrgð

Ábyrgð á skipulagi og utanumhaldi fræðslu- og þjálfunarmála starfsfólks
Þróun, uppsetning og miðlun fræðsluefnis
Umsjón með fræðslu- og upplýsingakerfum félagsins
Eftirfylgni, greining og miðlun upplýsinga um stöðu fræðslumála
Umsóknir og eftirfylgni styrkja úr fræðslusjóðum
Stuðningur við mannauðsstjóra í fjölbreyttum mannauðstengdum verkefnum

Menntunar- og hæfniskröfur

Háskólamenntun sem nýtist í starfi og/eða reynsla af mannauðsmálum, fræðslu eða starfsþróun
Brennandi áhuga á fræðslu, þjálfun og þróun fólks
Góð hæfni til að miðla þekkingu og leiðbeina öðrum
Reynsla af rafrænum fræðslu- og upplýsingakerfum, er kostur
Er skipulagður, sjálfstæður og lausnamiðaður í vinnubrögðum
Frumkvæði og metnaður til að þróa og bæta verklag
Framúrskarandi samskiptafærni og jákvætt viðmót
Góð íslensku- og enskukunnáttu, bæði í ræðu og riti

Hjá Terra færð þú tækifæri til að hafa raunveruleg áhrif á fræðslu, starfsþróun og upplifun starfsfólks um alla samstæðuna. Þú tekur þátt í fjölbreyttum og skemmtilegum verkefnum í sveigjanlegu starfsumhverfi.

Þú verður hluti af öflugu teymi sem leggur áherslu á traust, samvinnu og jákvæða starfsmenningu. Við styðjum starfsfólk til vaxtar og bjóðum vettvang þar sem þú getur nýtt styrkleika þína, þróað hæfni þína og lagt þitt af mörkum til fyrirtækis sem hefur jákvæð áhrif á samfélagið og umhverfið.

Vertu hluti af öflugu teymi Terra, þar sem fagleg þjónusta, traust, heiðarleiki og ánægja viðskiptavina eru í forgrunni. Við leggjum jafnframt ríka áherslu á jákvætt starfsumhverfi, samheldni og að starfsfólk fái tækifæri til að vaxa í starfi, bæði sem einstaklingar og sem hópur, á sama tíma og við höfum gaman saman í vinnunni.

Öll kyn eru hvött til að sækja um starfið.

Nánari upplýsingar veitir Sólrún Hjaltested, mannauðsstjóri, [email protected]

Hjá Terra vinnum við í því alla daga að gera góða hluti fyrir umhverfið.

Auglýsing birt4. júní 2026

Umsóknarfrestur14. júní 2026

Tungumálahæfni