Sérfræðingur í brunaviðvörunarkerfum og/eða aðgangsstýringum

Viltu taka þátt í að móta framtíð flugvallarinnviða á einni mikilvægustu samgöngumiðstöð landsins? Við leitum að drífandi sérfræðingi með góða þekkingu á brunaviðvörunarkerfum og/eða aðgangsstýringum. Starfið er fjölbreytt og krefjandi í líflegu umhverfi, þar sem þú verður hluti af öflugri eignastýringardeild með sérfræðingum á sínu sviði.

Helstu verkefni:

• Rekstur og viðhald brunaviðvörunar- og aðgangsstýringarkerfa á flugvallarsvæðinu
• Þátttaka í gerð rekstrar-, viðhalds- og fjárfestingaáætlana
• Skráning í eignastýringarkerfi
• Innkaup og kostnaðareftirlit
• Þróun og uppfærsla ferla, verklagsreglna og viðbragðsáætlana

Hæfniskröfur:

• Menntun sem nýtist í starfi, t.d. tækni- eða verkfræðimenntun
• Reynsla af rekstri og uppsetningu brunaviðvörunar- og/eða aðgangsstýringarkerfa
• Góð tölvukunnátta og reynsla af gagnavinnslu
• Lausnamiðuð hugsun, skipulagshæfni og framúrskarandi samskiptahæfni
• Sjálfstæð vinnubrögð, frumkvæði og jákvætt viðhorf

Starfsstöð er á Keflavíkurflugvelli.

Isavia er vinnustaður þar sem við sýnum hvert öðru virðingu og erum heiðarleg gagnvart sjálfum okkur og öðrum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu. Saman náum við árangri.

Við bjóðum upp á hollan og góðan mat í mötuneytum okkar, farsímaáskrift og allt starfsfólk hefur aðgang að heilsu- og líkamsræktarstöðvum sér að kostnaðarlausu.

Umsóknarfrestur er til og með 27.nóvember 2025.

Frekari upplýsingar um starfið veitir Kristín Erla Einarsdóttir, í gegnum netfang [email protected].

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.

Við hvetjum áhugasama aðila, án tillits til kyns og uppruna, til að sækja um.