Rarik ohf.

Rarik er fjölskylduvænt og leiðandi tæknifyrirtæki með ríka samfélagslega ábyrgð. Hlutverk okkar er að auka verðmætasköpun og lífsgæði viðskiptavina með öruggri afhendingu á endurnýjanlegri orku og samfélagslega ábyrgum rekstri. Hjá okkur vinna rúmlega 200 á 20 starfsstöðvum vítt og breytt um landið og öll sérfræðistörf hjá okkur eru auglýst óháð staðsetningu sem þýðir að hægt er að velja á milli starfsstöðva. Við leggjum áherslu á fjölbreyttan mannauð og tökum vel á móti alls konar fólki.

Vinnustaðurinn

Sérfræðingur framkvæmda

Við leitum að skipulagðri og sjálfstæðri manneskju með framúrskarandi samskiptahæfni í starf sérfræðings framkvæmda. Hér þurfa umsækjendur að búa yfir sterkri öryggisvitund, góðu gagnalæsi, þjónustulund og hæfileikanum til að leiðbeina öðrum.

Helstu verkefni og ábyrgð

Sérfræðingur framkvæmda hefur ótrúlega mörg járn í eldinum og heldur utan um öll verkefni framkvæmda á landsvísu. Í þessu starfi þarf að taka þátt í skipulagi framkvæmdaflokka, vinna þétt með öryggisteymi Rarik og vera í stöðugu samband við fjölda aðila innan fyrirtækisins sem vinna við framkvæmdir. Hér er haldið utan um flæði mannafla milli framkvæmdaflokka, mannaflaþörf metin í samráði við verkstjóra og haldið utan um samninga við verktaka á okkar vegum.

Menntunar- og hæfniskröfur

Í þetta starf þurfum við fólk kann að skipuleggja verkefni svo allt gangi upp. Menntun í rafmagnsfræði er kostur en best er ef með fylgir önnur menntun sem nýtist í starfi. Við leitum að manneskju sem er tilbúin að vinna með öðrum og hefur getu og vilja til að stýra teymum. Hér viljum við sjá einhvern með gott hugmyndaflug sem getur unnið með okkur að breytingum og leitast við að tileinka sér alla nýjustu tækni sem nýst getur í starfi. Samskiptahæfni þarf að vera upp á 10 og talandi um tölur þá þarf hér mjög góða kerfis- og töluþekkingu. Kunnátta á DMM er góður kostur og þekking á raforkukerfinu einnig.

Rarik er þekkingar og þjónustufyrirtæki í fararbroddi sem starfar af ábyrgð og nýtir bestu fáanlegu tækni með gagnkvæman hag að leiðarljósi. Við leggjum áherslu á jafnrétti og fjölbreytileika mannauðs og tökum vel á móti alls konar fólki.

Við bjóðum upp á nútímalegt og sveigjanlegt starfsumhverfi og gott samstarf í öflugu teymi á veitusviði okkar. Starf sérfræðings framkvæmda hefur sveigjanlega staðsetningu og hægt er að sinna því á skrifstofum okkar víðsvegar á landinu.

Nánari upplýsingar veitir Ásbjörn Gíslason, deildarstjóri framkvæmda, í gegnum netfangið [email protected] eftir 22. október. Einnig má hafa samband við Helgu Jóhannsdóttur, framkvæmdastjóra veitusviðs í gegnum netfangið [email protected].

Auglýsing birt26. september 2025

Umsóknarfrestur26. október 2025

Tungumálahæfni