Sérfræðingur á sviði vatnalífríkis

Er vatnalífríki þitt fag?

Við hjá Landsvirkjun leitum að sérfræðingi í vatnalíffræði til starfa á sviði Samfélags og umhverfis. Verkefni sviðsins eru fjölbreytt en það leiðir starf fyrirtækisins í samfélags- og umhverfismálum ásamt því að vinna með öðrum sviðum að ábyrgri nýtingu auðlinda og að lágmarka umhverfisáhrif starfseminnar.

Vinnuumhverfið er líflegt og hvetjandi og veitir tækifæri til að hafa jákvæð áhrif á náttúru og samfélag.

Starfsstöð er í Reykjavík.

Helstu verkefni:

• Fagleg ábyrgð á undirbúningi og framkvæmd vistfræðirannsókna og vöktun áhrifa á lífríki í vatni.
• Samantekt upplýsinga og miðlun verkefna og árangurs.
• Ráðgjöf innan fyrirtækisins í vatnalífríkismálum og stjórnsýslu vatnamála.
• Þróun verkefna er snúa að málaflokknum.
• Samskipti við hagaðila og leyfisveitendur.

Hæfni og reynsla:

• Meistaragráða í lífríki ferskvatns.
• Þekking á starfsemi veiðifélaga og veiðinýtingu í ám og vötnum er kostur.
• Framúrskarandi samskiptahæfni og jákvætt viðmót.
• Frumkvæði, metnaður og sjálfstæði í vinnubrögðum.
• Þekking á stjórnsýslu vatnamála er kostur.

Hljómar þetta spennandi? Sendu okkur umsókn með ferilskrá og kynningarbréfi þar sem þú segir okkur frá reynslu þinni og hvað kveikir áhuga þinn á starfinu.