Laus störf Hæfnileit Vinnustaðir Námskeið

Mennta- og barnamálaráðuneyti

Meginhlutverk mennta- og barnamálaráðuneytis er að tryggja að menntun, aðbúnaður og réttindi barna á Íslandi séu ávallt í fyrirrúmi. Meðal málefna sem ráðuneytið fer með eru fræðslumál barna og ungmenna, þar með talin málefni leik-, grunn og framhaldsskóla, listaskóla og lýðskóla, og málefni sem snerta þjónustu við börn og ungmenni, þar með talin barnavernd og samþætting þjónustu í þeirra þágu. Mennta- og barnamálaráðuneytið fer einnig með íþrótta- og æskulýðsmál. Menntun á framhaldsskólastigi; hvort heldur bók-, verk- eða listnám heyrir undir ráðuneytið. Ráðherra fer með yfirstjórn ráðuneytisins og ber ábyrgð á öllum stjórnarframkvæmdum þess. Allar embættisfærslur starfsmanna eru gerðar í umboði ráðherra. Ráðuneytisstjóri stýrir ráðuneytinu undir yfirstjórn ráðherra. Ráðuneytinu er skipt í fimm skrifstofur: Skrifstofu skóla-, íþrótta- og æskulýðsmála, skrifstofu framhaldsskóla og -fræðslu, skrifstofu barna- og fjölskyldumála, skrifstofu fjármála og rekstrar og skrifstofu ráðuneytisstjóra. Undirstofnanir ráðuneytisins eru m.a. Ráðgjafar- og greiningarstöð, Barna- og fjölskyldustofa, Menntamálastofnun og framhaldsskólar landsins.

Vinnustaðurinn

Sérfræðingur á sviði íþróttamála

Mennta- og menningarmálaráðuneyti auglýsir laust til umsóknar starf sérfræðings á sviði íþróttamála.

Um er að ræða fjölbreytt og krefjandi starf fyrir einstakling sem er nákvæmur í vinnubrögðum, býr yfir mikilli hæfni í mannlegum samskiptum og góðri skipulagshæfni. Leitað er eftir áhugasömum og jákvæðum einstaklingi sem er skipulagður í vinnubrögðum, býr yfir ríkri samskiptahæfni, sýnir frumkvæði og getur starfað sjálfstætt og í teymum.

Menntunar- og hæfniskröfur

Háskólamenntun sem nýtist í starfi.

Reynsla af stefnumótun og verkefnastjórnun á sviði íþróttamála.

Reynsla og þekking á leik- og, grunnskólamálum og æskulýðsmálum er kostur.

Þekking og reynsla á sviði opinberrar stjórnsýslu.

Frumkvæði, lausnamiðuð vinnubrögð og samstarfs- og samskiptahæfni.

Góð greiningarhæfni og geta til að vinna sjálfstætt.

Góð færni í framsetningu og upplýsingamiðlun talaðs og ritaðs máls .

Góð ritfærni og kunnátta í íslensku, ensku og helst einu Norðurlandamáli.

Helstu verkefni og ábyrgð

Annast framkvæmd stjórnarmálefna er heyra undir skrifstofu skóla-, íþrótta- og æskulýðsmála.

Þátttaka í stefnumótun, áætlanagerð, samningagerð og eftirliti í samræmi við lög um opinber fjármál, og önnur lög sem við eiga á málefnasviði skóla-, íþrótta- og æskulýðsmála.

Samningar um rekstur og starfsemi íþróttahreyfingarinnar.

Eftirlit með framkvæmd samninga við einstaka stofnanir, samtök og skóla.

Eftirlit með framkvæmd íþróttasjóðs og umsjón með íþróttanefnd.

Er ráðgefandi í starfi ráðuneytisins um málefni sem tengjast íþróttamálum almennt.

Erlend samskipti á sviði íþróttamála.

Sérfræðingnum getur verið falið að vinna þvert á málefnasvið ráðuneytisins.

Nánari upplýsingar um starfið

Um fullt starf er að ræða og er æskilegt að viðkomandi geti hafið störf sem fyrst.

Laun eru samkvæmt kjarasamningi Félags háskólamenntaðra starfsmanna Stjórnarráðsins. Karlar jafnt sem konur eru hvött til að sækja um. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019 um auglýsingar á lausum störfum.

Nánari upplýsingar um starfið veitir Óskar Þór Ármannsson, skrifstofustjóri skrifstofu skóla-, íþrótta- og æskulýðsmála, [email protected] eða í síma 545-9500.

Umsókn um starfið þarf að fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið. Umsækjendur eru beðnir um að senda umsókn sína til mennta- og menningarmálaráðuneytisins í gegnum ráðningarvef alfred.is. Öllum umsóknum verður svarað þegar ákvörðun um ráðningu hefur verið tekin.

Hjá mennta- og menningarmálaráðuneytinu starfa um 75 starfsmenn með fjölbreytta menntun og bakgrunn. Ráðuneytið er fjölskylduvænn vinnustaður þar sem lögð er áhersla á samvinnu og góðan starfsanda. Skrifstofa skóla-, íþrótta- og æskulýðsmála fjallar um málefni leik- og grunnskóla auk íþrótta- og æskulýðsmála. Hún aðstoðar ráðherra við yfirstjórn stofnana og sjóða sem og annast framkvæmd stjórnarmálefna er undir hann heyra og hefur eftirlit með starfsemi og fjárreiðum þeirra.

Auglýsing birt8. október 2020

Umsóknarfrestur23. október 2020

Tungumálahæfni

Engar sérstakar tungumálakröfur

Staðsetning

Sölvhólsgata 4, 101 Reykjavík

Starfstegund

Hæfni