Samfélagsmiðlar og hönnun – hlutastarf hjá NORA

NORA á Ísafirði leitar að skapandi einstaklingi í samfélagsmiðla og hönnun

Nora Seafood ehf leitar að öflugum og skapandi einstaklingi til að sjá um samfélagsmiðla og stafrænt efni fyrir fyrirtækið.

Við leitum að aðila hérna fyrir Vestan sem hefur mikinn áhuga á samfélagsmiðlum, skilur hvað vekur athygli á netinu og hefur gaman af því að skapa áhugavert og fallegt efni.

Helstu verkefni

• Umsjón með samfélagsmiðlum Nora (Instagram og Facebook)
• Hugmyndavinna og gerð efnis fyrir samfélagsmiðla
• Ljósmyndun og myndbandsgerð
• Klipping og vinnsla myndefnis fyrir samfélagsmiðla
• Hönnun á einföldu markaðs- og kynningarefni
• Þátttaka í að þróa sýnileika og vörumerki Nora á netinu
• Möguleiki á að þróa TikTok sem nýjan miðil fyrir fyrirtækið

Hæfniskröfur

• Góð íslenskukunnátta, bæði í tali og rituðu máli
• Mikill áhugi á samfélagsmiðlum og stafrænu markaðsefni
• Þekking á mynd- og myndbandsvinnslu
• Reynsla af forritum eins og Adobe Creative Suite (Photoshop, Illustrator, Premiere Pro), Canva, CapCut eða sambærilegum lausnum er kostur
• Menntun í grafískri hönnun eða skyldum greinum er mikill kostur
• Frumkvæði, sjálfstæði og skapandi hugsun

Starfshlutfall

Um er að ræða hlutastarf sem getur hentað mjög vel með námi eða annarri vinnu. Starfshlutfall og fyrirkomulag verður ákveðið í samráði við réttan aðila.

Umsóknir

Áhugasamir eru hvattir til að senda umsókn ásamt ferilskrá og dæmum um fyrri verkefni eða samfélagsmiðlavinnu á [email protected]

Við hlökkum til að heyra frá þér!