Sálfræðingur óskast til starfa hjá Heilsuvernd

Heilsuvernd óskar eftir að ráða sálfræðing í sitt öfluga ráðgjafateymi tengt heilsu- og vinnuverndarþjónustu ásamt því að þjónusta skjólstæðinga Heilsuvernd heilsugæslu í Urðarhvarfi. Við leitum að einstaklingi sem hefur jákvæðni og góð samskipti að leiðarljósi, er sjálfstæður í vinnubrögðum en getur um leið verið hluti af sterku teymi.

Um er að ræða tímabundna ráðningu til 12-18 mánaða með möguleika á ótímabundinni ráðningu að því loknu. Starfshlutfall getur verið á bilinu 80-100% þar sem unnið er á dagvinnutíma með starfsaðstöðu í Urðarhvarfi í Kópavogi.

Heilsuvernd er skipuð sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Heilsuvernd er einkarekið og ört stækkandi fyrirtæki í heilbrigðisþjónustu sem hefur sérhæft sig í heilsu- og vinnuverndarstörfum, almennri heilsugæsluþjónustu og heilbrigðisþjónustu fyrir hjúkrunarheimili. Markmið Heilsuverndar er að hafa jákvæð áhrif á lífsgæði fólks og efla heilbrigði og vellíðan.

Hjá Heilsuvernd leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi og faglega þjónustu.