Salaskóla vantar stuðningsfulltrúa og frístundaleiðbeinendur

Við í Salaskóla óskum eftir að ráða stuðningsfulltrúa og frístundaleiðbeinendur frá og með nýju skólaári. Gæti hentað vel sem hlutastarf með námi eða tímabundið fyrir þá sem byrja í námi um áramót.

Salaskóli tók til starfa haustið 2001 og er grunnskóli fyrir nemendur í 1.-10. árgangi. Í Salaskóla eru ríflega 500 nemendur og um 100 starfsmenn. Í skólanum er faglegt og metnaðarfullt starf undir einkunnarorðunum vinátta - virðing - samstarf, þar ríkir góður starfsandi og boðið er upp á gott starfsumhverfi. Í störfum stuðningsfulltrúa og frístundaleiðbeinenda felst stuðningur við nemendur í námi og leik. Fyrri hluta dags er unnið með nemendum í kennslustundum og eftir hádegi í frístundastarfi – til greina kemur að ráða starfsmenn í fullt starf eða hlutastarf sem væri þá ýmist fyrir eða eftir hádegi.

Þetta er frábært tækifæri fyrir þá sem vilja vaxa og þroskast í starfi, vera í fjölbreyttu og lifandi umhverfi og eiga skemmtilega vinnufélaga!