Rafmagnaður ráðgjafi óskast

Vélar og verkfæri leita að sölufulltrúa/ráðgjafa í teymið sem sérhæfir sig í tæknilegum vörum fyrirtækisins. Um er að ræða starf í fagmannaþjónustu Véla og verkfæra og felst það í sölu og þjónustu auk þróunar vöruúrvals á tæknivöru ásamt öðrum vörum fyrirtækisins. Um er að ræða vörur eins og aðgangskerfi, rafstýrðar hurðarpumpur og rafsegla.

Góð framkoma, stundvísi og metnaður til að kynna sér vörur fyrirtækisins vel eru nauðsynleg í starfinu. Mikilvægt er að geta unnið sjálfstætt og skipulega undir álagi en einnig að vinna vel með öðru fólki hvort sem það eru samstarfsfélagar, birgjar eða viðskiptavinir.