Laus störf Hæfnileit Vinnustaðir Námskeið

Land og skógur

Land og skógur er þekkingarstofnun sem hefur það meginmarkmið að bæta gróður- og jarðvegsauðlindir þjóðarinnar, nýta land af sjálfbærni, vakta og hafa yfirsýn, draga úr losun og stuðla að bindingu kolefnis og virkja og fræða almenning og hagsmunaaðila um gróður- og jarðvegsvernd, sjálfbæra nýtingu lands, uppbyggingu og endurheimt vistkerfa, skóga og skógrækt.

Vinnustaðurinn

Ráðgjafi Lands og skógar á Austurlandi

Land og skógur auglýsir eftir ráðgjafa á Austurlandi með aðsetur á Egilsstöðum. Í starfinu felast fjölbreytt og spennandi verkefni á sviði endurheimtar vistkerfa og sjálfbærrar landnýtingar.

Land og skógur er þekkingar- og þjónustustofnun sem vinnur að uppbyggingu og vernd gróður- og jarðvegsauðlinda á Íslandi og gegnir mikilvægu hlutverki við að bæta ástand þeirra og stuðla að sjálfbærri landnýtingu. Stofnunin sinnir verkefnum á sviði landgræðslu, endurheimtar vistkerfa, nýskógræktar, umhirðu og friðunar skóga með það að markmiði að efla umhverfislegan, samfélagslegan og hagrænan ávinning sjálfbærrar landnýtingar. Stofnunin starfar samkvæmt lögum um landgræðslu nr. 155/2018 og lögum um skóga og skógrækt nr. 33/2019.

Helstu verkefni og ábyrgð

Ráðgjöf, áætlanagerð og eftirlit með verkefnum sem miða að endurheimt vistkerfa og sjálfbærri landnýtingu
Öflun og skráning upplýsinga um endurheimtaraðgerðir og árangur þeirra
Vöktun og mat á ástandi gróðurs og jarðvegs og þátttaka í árlegum vöktunarverkefnum
Fræðsla og ráðgjöf til hagaðila, svo sem bænda og annarra landnotenda, sveitarstjórna, fyrirtækja, skóla og almennings
Önnur tilfallandi verkefni Lands og skógar í samráði við samstarfsfólk og næsta yfirmann

Menntunar- og hæfniskröfur

BSc-gráða í náttúruvísindum með áherslu á sjálfbæra landnýtingu, búvísindi, vistfræði, umhverfisfræði eða annað nám sem sannanlega nýtist í starfi
Haldbær reynsla og/eða þekking á verkefnum sem miða að endurheimt vistkerfa, t.d. landgræðslustörfum er kostur
Þekking og reynsla af landbúnaði er kostur
Færni í notkun landupplýsingakerfa er kostur
Reynsla af verkefnastjórn, ráðgjöf og áætlanagerð er kostur
Jákvæðni og framúrskarandi hæfni í mannlegum samskiptum
Skipulagshæfni, frumkvæði og sjálfstæði í vinnubrögðum
Gott vald á íslensku og færni til að koma frá sér upplýsingum í ræðu og riti
Góð almenn tölvukunnátta og færni í Office-forritum
Gild ökuréttindi á beinskipta fólksbifreið er skilyrði

Fríðindi í starfi

Styttri vinnuvika og mikill sveigjanleiki í starfi.

Megin starfssvæðið er Austurland og starfinu geta fylgt talsverð ferðalög. Æskilegt er að umsækjandi geti hafið störf fljótlega.

Með umsókn skal fylgja ítarleg náms- og starfsferilskrá ásamt fylgibréfi þar sem gert er grein fyrir hæfni og áhuga á starfinu ásamt afriti af prófskírteinum. Leggja skal fram staðfestar upplýsingar um menntun, fyrri störf og reynslu. Viðtöl verða tekin við umsækjendur og byggist ákvörðun um ráðningu í starfið á þeim ásamt innsendum gögnum og umsögnum umsagnaraðila. Tekið er mið af jafnréttisstefnu stofnunarinnar við ráðningu.

Markmið Lands og skógar er að vera eftirsóttur vinnustaður fyrir starfsfólk með fjölbreytta menntun og bakgrunn. Þar er starfsfólki búin góð vinnuaðstaða, greiður aðgangur að upplýsingum og fjölbreyttir möguleikar á símenntun. Land og skógur hefur innleitt græn skref í ríkisrekstri. Þá hefur stofnunin sett sér umhverfis- og loftslagsáætlun með tímasettum markmiðum ásamt áætlunum um réttindi, vernd og ábyrgð starfsfólks, s.s. áætlanir um áreitni og einelti ásamt viðbrögðum við slíku.

Auglýsing birt23. júní 2026

Umsóknarfrestur20. júlí 2026

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Miðvangi 2-4

Starfstegund

Vinnuumhverfi

Starfsgreinar

Starfsmerkingar