Laus störf Hæfnileit Vinnustaðir Námskeið

Samhjálp

Samhjálp var stofnað árið 1973 og hefur því starfað í rúma hálfa öld. Samhjálp rekur fimm starfsstöðvar en um 30 einstaklingar starfa hjá félaginu ásamt nokkrum fjölda sjálfboðaliða. Stærsta starfsstöðin og jafnframt sú elsta, er meðferðarheimilið Hlaðgerðarkot í Mosfellsdal en þar er pláss fyrir um þrjátíu einstaklinga í meðferð hverju sinni. Samhjálp rekur tvö áfanga- og stuðningsheimili fyrir átta karlmenn hvort, annað í Reykjavík og hitt í Kópavogi. Kaffistofa Samhjálpar sem er opin alla daga ársins og er í Borgartúni í Reykjavík. Skrifstofa Samhjálpar, sem er þjónustumiðstöð félagsins og miðstöð fjáröflunar, er í Skútuvogi 1g.

Vinnustaðurinn

Ráðgjafi í áfengis- og vímuefnameðferð óskast í Hlaðgerðarkot

Samhjálp óskar eftir að ráða ráðgjafa í 100% starf á meðferðarheimilinu Hlaðgerðarkoti í Mosfellsdal. Ráðgjafinn mun sinna karlahópi í meðferð.

Við leitum að einstaklingi sem hefur áhuga á að styðja fólk á batavegi og vill leggja sitt af mörkum til faglegs og einstaklingsmiðaðs meðferðarstarfs.

Helstu verkefni og ábyrgð

Stuðnings- og ráðgjafarviðtöl við skjólstæðinga innan ramma meðferðarstarfsins.
Skipulagning og stjórnun hópastarfs í samráði við fagteymi.
Þátttaka í mati á stöðu og meðferðarþörf skjólstæðinga í samvinnu við fagteymi.
Fræðsla og fyrirlestrar fyrir skjólstæðinga.
Gerð útskriftaráætlana í samvinnu við skjólstæðinga og eftir atvikum aðra fagaðila.
Skráning upplýsinga um meðferð og framgang skjólstæðinga.
Þátttaka í þverfaglegu teymisstarfi og samstarf við aðra fagaðila eftir því sem við á.
Vikuleg hópeftirfylgni og stuðningsviðtöl með útskrifuðum skjólstæðingum.

Menntunar- og hæfniskröfur

Viðeigandi menntun sem nýtist í meðferðar- og ráðgjafarstarfi.
Reynsla af meðferðarstarfi eða sambærilegum störfum er skilyrði.
Starfsleyfi sem áfengis- og vímuefnaráðgjafi er kostur.
Góð samskipta- og samstarfshæfni.
Sjálfstæði, frumkvæði og ábyrgð í starfi.
Umhyggja og virðing í samskiptum við skjólstæðinga og samstarfsfólk.
Hæfni og vilji til að starfa í samræmi við gildi, markmið og faglega nálgun Samhjálpar.
Umsækjandi verður að hafa hreint sakavottorð

Umsóknarfrestur og nánari upplýsingar

Umsóknarfrestur er til og með 15. nóvember. Umsókn ásamt ferilskrá og kynningarbréfi skal senda á [email protected].

Nánari upplýsingar veitir Sigurður Fossdal, Forstöðumaður í Hlaðgerðarkoti, á [email protected].

Um Hlaðgerðarkot

Hlaðgerðarkot er meðferðarheimili á vegum Samhjálpar, staðsett í fallegri náttúru Mosfellsdals. Þar er boðið upp á 12 vikna langtímameðferð fyrir einstaklinga sem glíma við áfengis- og vímuefnaröskun.

Meðferðin er einstaklingsmiðuð og byggir á 12 spora hugmyndafræði og kristilegum gildum. Í Hlaðgerðarkoti starfar þverfaglegt teymi sem leggur áherslu á að mæta hverjum einstaklingi af virðingu og umhyggju í hlýlegu og heimilislegu umhverfi. Ráðgjafar fylgja skjólstæðingum sínum í gegnum meðferðina og styðja þá á leið þeirra til bata.

Auglýsing birt28. október 2026

Umsóknarfrestur15. nóvember 2026

Tungumálahæfni