Laus störf Hæfnileit Vinnustaðir Námskeið

Vinnumálastofnun

Hlutverk Vinnumálastofnunar Vinnumálastofnun heyrir undir félagsmálráðuneytið og fer m.a. með yfirstjórn vinnumiðlunar í landinu og daglega afgreiðslu Atvinnuleysistryggingasjóðs, Fæðingarorlofssjóðs, Ábyrgðarsjóðs launa auk fjölmargra annara vinnumarkaðstengdra verkefna.

Vinnustaðurinn

Ráðgjafi á Suðurnes

Vinnumálastofnun óskar eftir að ráða ráðgjafa á þjónustuskrifstofu Vinnumálastofnunar á Suðurnesjum.

Ráðgjafi þjónustar atvinnuleitendur og atvinnurekendur með það að markmiði að vinna gegn atvinnuleysi. Í starfi sínu þarf ráðgjafi að geta beitt fjölbreyttum aðferðum og myndað tengsl við ólíka aðila til að vinna að hagsmunum atvinnuleitenda og atvinnulífs.

Starfstöð ráðgjafa er í Keflavík.

Leitað er eftir einstaklingi sem á auðvelt með að tileinka sér gildi Vinnumálastofnunnar: Fyrirmyndarþjónusta; Virðing; Áreiðanleiki.

Helstu verkefni og ábyrgð

Almenn ráðgjöf og vinnumiðlun.

Ráðgjöf við flóttamenn.

Afgreiðsla og símavaktir.

Skráningar, upplýsingamiðlun og samskipti við fræðsluaðila.

Kynningar, starfsleitarfundir og umsjón með námskeiðum og virkniúrræðum.

Koma á og viðhalda tengslum við fyrirtæki og aðra hagsmunaaðila.

Önnur tilfallandi verkefni.

Menntunar- og hæfniskröfur

Háskólapróf sem nýtist í starfi s.s. á sviði náms- og starfsráðgjafar, þroskaþjálfunar eða önnur menntun á félags- eða heilbrigðissviði..

Reynsla af ráðgjöf er æskileg.

Frumkvæði, sjálfstæð vinnubrögð og góðir skipulagshæfileikar.

Góð samskiptahæfni, þjónustulund og metnaður til að skila góðu starfi.

Góð íslensku- og enskukunnátta, önnur tungumál sem nýtast í starfi eru kostur.

Starfshlutfall er 100% og æskilegt er að viðkomandi geti hafið störf eigi síðar en 1. apríl 2026.

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttafélag hafa gert.

Athygli er vakin á því að umsóknir geta gilt í 6 mánuði frá því að umsóknarfrestur rennur út. Öllum umsóknum verður svarað þegar ákvörðunin um ráðningu hefur verið tekin.

Auglýsing birt16. febrúar 2026

Umsóknarfrestur2. mars 2026

Tungumálahæfni