
Ráðgjafar á Bjargey
Vilt þú taka þátt í krefjandi og gefandi starfi með unglingum? Barna- og fjölskyldustofa auglýsir lausar til umsóknar tvær stöður ráðgjafa á Bjargey, meðferðarheimili fyrir unglinga. Um er að ræða 100% stöður í vaktavinnu sem heyra undir forstöðumann Bjargeyjar. Starfsstöð er að Laugalandsskóla í Eyjafjarðarsveit.
- Meðferðarvinna og dagleg samskipti við skjólstæðinga.
-
Samskipti við foreldra og samstarfsaðila.
-
Vinna að tómstundastarfi með skjólstæðingum.
-
Einstaklingsbundinn stuðningur við skjólstæðinga í meðferð, í samvinnu við stjórnendur og fagaðila.
-
Vinna eftir verklagsreglum Bjargeyjar og stefnu stofnunarinnar.
-
Önnur tilfallandi verkefni samkvæmt starfslýsingu og sem yfirmaður felur starfsmanni.
- Reynsla og/eða menntun sem að mati forstöðumanns nýtist í starfi, t.d. í meðferðar-, tómstunda- eða íþróttastarfi.
-
Góð færni í mannlegum samskiptum.
-
Frumkvæði, sjálfstæði og skipulag í vinnubrögðum.
-
Gild ökuréttindi.
-
Hreint sakavottorð.
-
Einnig er lögð áhersla á eftirfarandi persónulegu eiginleika svo sem sveigjanleika, jákvætt viðhorf til skjólstæðinga og áhuga á að starfa með ungmennum.
