Laus störf Hæfnileit Vinnustaðir Námskeið

Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

Vinnustaðurinn

Orkuveitan leitar að sérfræðingi í gæðamálum

Sérfræðingur í gæðamálum ber ábyrgð á að styðja við innleiðingu, viðhaldi og þróun gæðastjórnunarkerfis Orkuveitunnar. Starfið felur í sér náið samstarf við stjórnendur og teymi þvert á Orkuveituna með það að markmiði að efla samræmi, gæði og stöðugar umbætur í starfseminni.

Helstu verkefni og ábyrgð

Í starfinu felst að tryggja virkt og aðgengilegt stjórnunarkerfi og túlka og útfæra kröfur ISO 9001. Viðkomandi tekur virkan þátt í innri og ytri úttektum og fylgir eftir frávikum, styður við samræmingu og þróun ferla og verklags milli eininga og kemur að þróun og viðhaldi rekstrarhandbókar. Einnig felst í starfinu að veita stjórnendum og teymum ráðgjöf og fræðslu í gæðamálum og vinna þvert á einingar að því að efla gæða- og umbótamenningu. Eftirfylgni HACCP kerfis og samræmi við matvælareglugerðir er hluti af starfinu.

Menntunar- og hæfniskröfur

Þekking og reynsla af gæðastjórnun, til dæmis ISO 9001
Þekking og reynsla af innri og ytri úttektum stjórnunarkerfa
Greiningarhæfni og skipulögð vinnubrögð
Góð samskiptafærni og hæfni til samstarfs
Þekking á HACCP eða matvælaöryggi er kostur
Háskólamenntun sem nýtist í starfi

Hvers vegna Orkuveitan?

Orkuveitan samanstendur af móðurfélaginu og fjórum dótturfélögum og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu.

Hvernig vinnustaður er Orkuveitan? (kynningarmyndband)

Við bjóðum upp á fjölbreytt og stuðningsríkt vinnuumhverfi þar sem áhersla er lögð á framsýni, hagsýni, heiðarleika og frumkvæði. Rannsóknir hafa sýnt að fjölbreytileiki leiðir til betri árangurs og við hvetjum öll sem uppfylla grundvallarskilyrði starfsins til að sækja um, óháð því hvort þau haki í öll boxin.

Umsóknarfrestur er til og með 28. júní 2026

Nánari upplýsingar veitir Karitas Jónsdóttir, Gæðastjóri, [email protected]

Auglýsing birt18. júní 2026

Umsóknarfrestur28. júní 2026

Tungumálahæfni