Menntasvið - Leikskólafulltrúi
Skrifstofa menntasviðs Reykjanesbæjar óskar eftir öflugum einstaklingi til að ganga til liðs við hóp metnaðarfullra sérfræðinga skólaþjónustu. Við störfum í árangursríku og þverfaglegu menntasamfélagi og bjóðum upp á góða starfsaðstöðu og sveigjanlegt starfsumhverfi þar sem lögð er áhersla á teymisvinnu, fagmennsku og farsæld ásamt tækifærum til starfsþróunar.
Hjá okkur ríkir menning sem hvetur og viðheldur stöðugri endurnýjun og framþróun meðal allra þeirra sem koma að menntun og uppeldi í þeim sameiginlega tilgangi að styrkja og efla börn og ungmenni. Í skólaþjónustu Reykjanesbæjar starfar samhentur hópur fagfólks sem hefur það að leiðarljósi að veita þjónustu við börn, ungmenni og fjölskyldur þeirra með opnum hug og gleði í hjarta. Þjónustan tekur mið af menntastefnu sveitarfélagsins þar sem leiðarljósin eru börnin mikilvægust, kraftur fjölbreytileikans og faglegt menntasamfélag.
Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.
- Fagleg forysta, ráðgjöf og eftirlit með leikskólastarfi og daggæslu samkvæmt lögum og reglum.
- Innleiðing og eftirfylgni með stefnu sveitarfélagsins í leikskólamálum.
- Stefnumótun og þróun leikskólastarfs í samstarfi við stjórnendur og aðra hagaðila.
- Umsjón með mati á skólastarfi, skýrslugerð og gæðastjórnun.
- Skipulag og efling sí- og endurmenntunar og starfsþróunar.
- Samstarf og samhæfing við sérfræðiþjónustu, stofnanir og foreldrasamfélag.
- Yfirumsjón með innritun, biðlistum og áætlanagerð um leikskólarými.
- Umsjón og eftirlit með daggæslu barna í heimahúsum.
- Leyfi til að nota starfsheitið leikskólakennari.
- Framhaldsmenntun á sviði stjórnunar og/eða uppeldis- og menntamála æskileg.
- Reynsla og þekking af stjórnun og starfi leikskóla
- Reynsla af faglegri forystu á sviði kennslu og þróunar í skólastarfi.
- Þekking og færni í áætlanagerð.
- Þekking og reynsla af leikskólakerfinu Völu.
- Færni í að vinna í teymum og að fjölbreyttum verkefnum.
- Skipulagshæfni, sjálfstæði og frumkvæði í starfi.
- Góð hæfni í mannlegum samskiptum og samstarfshæfileikar.
- Jákvætt viðhorf, sveigjanleiki og lausnamiðuð hugsun.
- Þekking og vilji til að leita nýrra leiða í skólastarfi og leiða framsækna skólaþróun.
- Góð almenn tölvukunnátta.
- Góð íslenskukunnátta í rituðu og töluðu máli.
- Bókasafnskort
- Gjaldfrjáls aðgangur að menningarhúsum
- Gjaldfrjáls aðgangur í sund
- Gjaldfrjáls aðgangur í strætó
Íslenska
