Náttúruverndarstofnun

Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar og sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.

Vinnustaðurinn

Mannauðssérfræðingur

Náttúruverndarstofnun auglýsir laust til umsóknar starf mannauðssérfræðings. Leitað er að úrræðagóðum og þjónustulunduðum einstaklingi á líflegan vinnustað með dreifða starfsemi. Viðkomandi yrði hluti af mannauðssviði ásamt sviðsstjóra og mannauðs- og launasérfræðingi. Stofnunin er ný og í starfinu gefst tækifæri til að hafa mikil áhrif á uppbyggingu mannauðsmála og vinnustaðamenningar.

Höfuðstöðvar Náttúruverndarstofnunar eru á Hvolsvelli sem yrði meginstarfsstöð mannauðssérfræðings með möguleika á fjarvinnu eða viðveru á annarri starfsstöð stofnunarinnar á móti viðveru á Hvolsvelli. Starfsstöðvar Náttúruverndarstofnunar eru alls 15 og staðsettar víða um land. Starfsstöðin á Hvolsvelli er við Austurveg 4 en í húsinu er fjölbreytt og lífleg starfsemi.

Helstu verkefni og ábyrgð

Umsjón með ráðningum sumarstarfsfólks og stuðningur við stjórnendur landvörslusvæða við ráðningar og val á starfsfólki
Kynning og efling á störfum í nágrenni náttúruverndarsvæða
Gerð ráðningarsamninga og samskipti við nýtt starfsfólk
Umsjón með fatnaði fyrir starfsfólk, innkaup og samskipti við birgja í samvinnu við annað starfsfólk
Skipulag og yfirsýn með móttöku og þjálfun sumarstarfsfólks í samvinnu við annað starfsfólk
Móttaka nýs starfsfólks, upplýsingagjöf og gagnaöflun við upphaf starfs og frágangur við starfslok
Umsjón með innri fræðslustarfsemi og starfsþróunaráætlunum
Þróun og innleiðing mannauðsstefnu og -ferla í mannauðs- og launamálum í samvinnu við annað starfsfólk á mannauðssviði
Þátttaka í öðrum mannauðsmálum svo sem ráðningum, mótun vinnustaðamenningar og úrvinnslu og eftirfylgni vinnustaðagreininga í samvinnu við sviðsstjóra
Ráðgjöf og stuðningur við starfsfólk og stjórnendur á sviði mannauðs- og launamála

Menntunar- og hæfniskröfur

Háskólamenntun sem nýtist í starfi
Reynsla af störfum við mannauðsmál er mikill kostur
Þekking á Orra, mannauðs- og launakerfi ríkisins, og Vinnustund er kostur
Góð samskiptafærni, sveigjanleiki og þjónustulund
Skipulagsfærni og geta til að hafa yfirsýn með mörgum verkefnum samhliða
Frumkvæði og sjálfstæði í vinnubrögðum
Góð almenn tölvukunnátta
Gott vald á íslensku og ensku
Áhugi á náttúruvernd og umhverfismálum er kostur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Náttúruverndarstofnun tók til starfa þann 1. janúar 2025 og tók stofnunin við starfsemi Vatnajökulsþjóðgarðs og þeim hluta Umhverfisstofnunar er laut að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar, sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.

Starfshlutfall er 100%

Umsóknarfrestur er til og með 30.05.2025

Auglýsing birt21. maí 2025

Umsóknarfrestur30. maí 2025

Tungumálahæfni