Lyfjafræðingur - umbætur og þróun í lyfjamálum

Sjúkratryggingar leita að öflugum og metnaðarfullum lyfjafræðingi til starfa á Heilbrigðistæknisviði. Starfið felur í sér greiningu og umbætur á sviði lyfjamála, þátttöku í stafrænum þróunarverkefnum og gæðastarfi, upplýsingamiðlun og ráðgjöf, auk afgreiðslu og úrlausnar umsókna um lyfjaskírteini.

Við leitum að jákvæðum einstaklingi með ríka þjónustulund, sem er fljótur að tileinka sér nýja þekkingu, hefur góða samskiptahæfni og getur unnið bæði sjálfstætt og í teymi. Lyfjateymið stuðlar að hagkvæmri, öruggri og skynsamlegri lyfjanotkun með gagnadrifnu eftirliti, einföldun verkferla og þróun stafrænna lausna.

Sjúkratryggingar eru lykilstofnun í íslensku heilbrigðiskerfi. Hlutverk okkar er að tryggja aðgengi allra að heilbrigðisþjónustu og stuðla að hagkvæmri og öruggri nýtingu fjármuna. Hjá stofnuninni starfar fjölbreyttur hópur hæfs og metnaðarfulls starfsfólks sem vinnur markvisst að umbótum og stafrænni þróun þjónustu.