Skrifstofa Alþingis

Hlutverk skrifstofu Alþingis er að styðja við starfsemi Alþingis svo að þingið og þingmenn geti sinnt hlutverkum sínum samkvæmt stjórnarskrá og lögum. Meginverkefni skrifstofunnar eru að vera forseta til aðstoðar, framfylgja ákvörðunum hans og forsætisnefndar auk ákvarðana á fundi forseta með þingflokksformönnum. Enn fremur að veita alþingismönnum, nefndum og þingflokkum faglega aðstoð og þjónustu, að hafa á hendi almennan rekstur þingsins og stjórnsýslu og að varðveita og miðla upplýsingum um hlutverk og starfsemi Alþingis.

Vinnustaðurinn

Laus störf í öryggis- og þjónustudeild hjá skrifstofu Alþingis

Við leitum að jákvæðum og þjónustuliprum einstaklingum í teymi þingvarða. Gert er ráð fyrir að ráða í allt að fjórar stöður. Unnið er á dag- og kvöldvöktum alla daga vikunnar. Starfið felur meðal annars í sér öryggisgæslu, þjónustu við þingmenn og starfsfólk ásamt móttöku gesta. Þingverðir taka þátt í teymisvinnu þvert á starfseiningar og í því felst frábært tækifæri til að taka þátt í líflegu og skemmtilegu starfsumhverfi þingsins.

Helstu verkefni og ábyrgð

Öryggisgæsla og aðgangsstýring
Þjónusta fyrir þing- og nefndafundi
Aðstoð fyrir þingmenn og starfsfólk
Eftirlit með húsnæði þingsins
Þátttaka í útsendingateymi
Önnur verkefni

Menntunar- og hæfniskröfur

Stúdentspróf, iðnmenntun eða sambærileg menntun sem nýtist í starfi
Marktæk starfsreynsla sem nýtist í starfi
Rík öryggisvitund, frumkvæði og öguð vinnubrögð
Lipurð í mannlegum samskiptum og jákvætt viðmót
Mjög góð tölvu- og tæknikunnátta
Geta til að vinna sjálfstætt og í teymi
Góð íslenskukunnátta, önnur tungumálakunnátta kostur
Aukin ökuréttindi eru kostur

Laun samkvæmt gildandi kjarasamningi við Sameyki.

Umsókn skal fylgja ferilskrá og kynningarbréf þar sem umsækjandi rökstyður hæfni sína í starfið. Umsóknir gilda í sex mánuði frá því að umsóknarfrestur rennur út og öllum umsóknum verður svarað þegar ákvörðun um ráðningu liggur fyrir. Til greina kemur að ráða í tímabundna afleysingastöðu. Eingöngu verður tekið við umsóknum í gegnum ráðningarkerfi Orra.

Tekið er mið af jafnréttisáætlun skrifstofu Alþingis við ráðningar. Starfið hentar öllum kynjum og áhugasöm eru hvött til að sækja um. Gildi skrifstofu Alþingis eru fagmennska, virðing og framsækni.

Nánari upplýsingar um störfin veitir Arnór Sigurgeir Þrastarson, vaktstjóri í öryggis- og þjónustudeild í síma 563-0500 og [email protected]

Sækja um starf

Auglýsing birt22. ágúst 2025

Umsóknarfrestur1. september 2025

Tungumálahæfni