Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Klínískur fagaðili í sálfræði, félagsráðgjöf, hjúkrun á BUGL

Barna- og unglingageðdeild Landspítala (BUGL) vill ráða til starfa reyndan klínískan fagaðila í félagsráðgjöf, hjúkrun eða sálfræði með viðamikla þekkingu á og reynslu af veitingu geðheilbrigðisþjónustu og/ eða þjónustu við börn og fjölskyldur. Leitað er eftir einstaklingi með framúrskarandi samskiptahæfni, faglegan metnað og áhuga á að vinna þverfaglega með börnum og fjölskyldum sem þarfnast 3. stigs geðheilbrigðisþjónustu. Gert er ráð fyrir aðkomu að þjálfun og handleiðslu starfsfólks og nema, einnig umbótastarfi. Starfið býður upp á fjölbreytta möguleika á klínískri starfsþróun. Unnið er í dagvinnu. Starfið er laust nú þegar eða samkvæmt samkomulagi.

BUGL samanstendur af tveimur deildum á Landspítala, legudeild og göngudeild. Þar starfa um 100 einstaklingar í fjölskylduvænu starfsumhverfi þar sem vinnuvikan er 36 klst. Á deildunum er veitt sérhæfð og fjölskyldumiðuð geðheilbrigðisþjónusta við börn og 18 ára aldri. Unnið er í þverfaglegum teymum að greiningu og meðferð og mikil samvinna er höfð við fagaðila í nærumhverfi. Þjónustan er í stöðugri framþróun og kapp er lagt á styttingu biðtíma.

Menntunar- og hæfniskröfur

Íslenskt starfsleyfi sem sálfræðingur, félagsráðgjafi eða hjúkrunarfræðingur,

Sérfræðileyfi sem sálfræðingur, félagsráðgjafi eða hjúkrunarfræðingur er kostur

Víðtæk reynsla, af greiningar- og meðferðarvinnu og/eða þjónustu við fjölskyldur

Reynsla af handleiðslu, kennslu á háskólastigi eða vísindavinnu er kostur

Leiðtogahæfileikar og framúrskarandi færni í samskiptum og teymisvinnu

Geta til að vinna sjálfstætt, sýna frumkvæði og sveigjanleika og takast á við krefjandi verkefni

Jákvætt hugarfar, skipulagshæfni og öguð vinnubrögð

Hæfni til að starfa samkvæmt öryggisverkferlum deildar og menningu sálræns öryggis

Góð íslenskukunnátta, í töluðu og rituðu máli

Kunnátta í tungumáli stórra samfélagshópa á Íslandi sem eiga íslensku ekki að móðurmáli er kostur

Hreint sakavottorð

Helstu verkefni og ábyrgð

Þátttaka í þverfaglegri teymisvinnu við greiningu og meðferð

Klínísk sérfræðingsstörf og ráðgjöf

Þátttaka í þróun þjónustu

Kennsla, handleiðsla og fræðsla

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Félagsráðgjafi, Hjúkrunarfræðingur. Sálfræðingur

Nánari upplýsingar

Guðlaug María Júlíusdóttir, gudljul@landspitali.is, 543-4300

Faghópar BUGL

Dalbraut 12

105 Reykjavík

Auglýsing birt6. maí 2024

Umsóknarfrestur28. maí 2024

Tungumálahæfni

Engar sérstakar tungumálakröfur

Staðsetning

Dalbraut 12, 105 Reykjavík

Starfstegund

Starfsgreinar

Starfsmerkingar

Fleiri störf (46)

Geislafræðingur eða lífeindafræðingur við hjartaómun