Hótelstjóri

Keahótel leitar að öflugum og framsæknum leiðtoga í starf hótelstjóra á Sigló hótel á Siglufirði. Starfið felur í sér umsjón með daglegum rekstri hótelsins ásamt ábyrgð á þjónustu og gæðum á einu glæsilegasta hóteli landsins.

Sigló Hótel er í rekstri Keahótela ehf. og er staðsett í hjarta Siglufjarðar við höfnina. Hótelið er í nálægð við menningararf Siglufjarðar, Síldarminjasafnið, og býður upp á stórbrotið útsýni yfir fjörðinn. Sigló Hótel býr yfir einstaklega fallegri hönnun sem hefur hlotið mikið lof ferðamanna og er hótelið þekkt fyrir gæði og framúrskarandi þjónustu þar sem upplifun gesta er höfð í fyrirrúmi.

Hótelið er með 68 herbergi þar á meðal lúxusherbergi og svítur.

Helstu verkefni og ábyrgð

• Umsjón með daglegum rekstri hótelsins
• Eftirlit með þjónustu og gæðastjórnun
• Umsjón með starfsmannamálum, mannaflaþörf og þjálfun starfsmanna
• Viðhalda góðum starfsanda
• Ná settum markmiðum í rekstri hótelsins
• Rekstur og viðhald fasteignar í samstarfi við húseiganda
• Náið samstarf við sölu- og markaðsdeild

Menntunar- og hæfniskröfur

• Menntun sem nýtist í starfi
• Starfsreynsla á sviði stjórnunar og reksturs
• Framúrskarandi hæfni í mannlegum samskiptum og mikil þjónustulund
• Fjármálalæsi og greiningarhæfni
• Góð íslensku- og enskukunnátta
• Leiðtogahæfni og geta til að hvetja aðra starfsmenn til árangurs
• Frumkvæði og sjálfstæði í starfi

Keahótel rekur tíu hótel sem eru Hótel Borg, Sand Hótel, Apótek Hótel, Skuggi Hótel, Storm Hótel og Reykjavík Lights í Reykjavík, Hótel Kea á Akureyri, Sigló Hótel á Siglufirði, Hótel Grímsborgir og Hótel Kötlu í Vík í Mýrdal.

Keahótel er spennandi vinnustaður þar sem starfar samheldinn hópur með fjölbreyttan bakgrunn. Við leggjum áherslu á gott viðmót, þjónustulund, metnað, hæfni, og frumkvæði með það að leiðarljósi að skapa eftirsóknarvert og skilvirkt vinnuumhverfi og ánægða viðskiptavini.

Sjá nánar um Sigló Hótel hér

Umsóknarfrestur er til og með sunnudeginum 25. janúar