Tanni Travel er rótgróið fjölskyldufyrirtæki sem starfar í hópferðaflutningum og ferðaþjónustu á Austurlandi. Fyrirtækið býður upp á fjölbreyttar ferðir, bæði skipulagðar hópferðir og sérsniðnar ferðir, auk almennrar hópferðaþjónustu. Tanni Travel sinnir akstri fyrir sveitarfélagið Fjarðabyggð og Alcoa Fjarðaál, sem eru sterkar stoðir í rekstrinum. Fyrirtækið hefur frá upphafi starfað allt árið. Fjöldi bíla í rekstri eru 18 talsins, 4-63 sæta. Að auki skipuleggur fyrirtækið gönguferðir og aðra afþreyingu fyrir hópa, sem og að koma á framfæri og selja afþreyingu samstarfsaðila á heimasíðunni. Tanni Travel hefur fullgild leyfi ferðamálastofu sem ferðaskrifstofa og ferðaskipuleggjandi. Starfsfólk okkar er með fjölbreyttan bakgrunn og við leggjum mikið upp úr því að öllum líði vel í vinnunni, það fái rými til að dafna og að styrkleikar hvers og eins nýtist sem best. Gildi fyrirtækisins eru ábyrgð, virðing, fagmennska og gleði.