Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur í heimaöndunarvélateymi

Laust er til umsóknar starf hjúkrunarfræðings í heimaöndunarvélateymi Landspítala (HÖT) á göngudeild A3 í Fossvogi. Við leitum eftir metnaðarfullum hjúkrunarfræðingi með áhuga á krefjandi verkefnum.

HÖT er þverfaglegt teymi hjúkrunarfræðinga og lækna sem hafa sérþekkingu á sviði öndunarbilunar sem er meðhöndluð með ytri eða innri öndunarvél. Teymið kemur að mati, greiningu, meðferð og eftirfylgd sjúklinga og fjölskyldna þeirra um allt land, bæði innan spítala og í heimahúsum. Eftifylgd felst því meðal annars í heimsóknum út fyrir höfuðborgarsvæðið. Náið samstarf er við deildir Landspítala sem og umönnunaraðila og starfsfólk annarra heilbrigðisstofnana.

Starfshlutfall er 50-100%, unnið er í dagvinnu og er starfið laust nú þegar eða eftir samkomulagi. Viðkomandi fær góða starfsaðlögun með reyndum hjúkrunarfræðingum teymisins.

Helstu verkefni og ábyrgð

Fræðsla og stuðningur til sjúklinga sem þurfa á að halda öndunarvélameðferð heimavið
Þátttaka í skipulagðri fræðslu til sjúklinga, aðstandenda og umönnunaraðila
Virk þátttaka í þróun og uppbyggingu verkefna á deild
Þátttaka í teymisvinnu
Önnur verkefni á deild í samráði við deildarstjóra

Menntunar- og hæfniskröfur

Íslenskt hjúkrunarleyfi
Frumkvæði og faglegur metnaður
Framúrskarandi samskiptahæfni og geta til að starfa í teymi
Skipulögð, sjálfstæð og nákvæm vinnubrögð
Reynsla af hjúkrun bráðveikra er kostur
Reynsla af hjúkrun lungnasjúklinga er kostur
Góð íslenskukunnátta

Starfshlutfall: 50-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 4/5

Staðsetning: Fossvogur, 108 Reykjavík

Nánari upplýsingar

Geirný Ómarsdóttir

Tölvupóstur: [email protected]

Sími: 824-5100

Auglýsing birt26. febrúar 2026

Umsóknarfrestur10. mars 2026

Tungumálahæfni

Íslenska

Nauðsyn

Mjög góð

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (50)