Fulltrúi í teymi félags- og kjaramála

Kennarasamband Íslands auglýsir laust til umsóknar 100% starf fulltrúa í teymi félags- og kjaramála á skrifstofu sambandsins. Leitað er að öflugum og metnaðarfullum einstaklingi með brennandi áhuga á réttindamálum launafólks og kjarasamningum.

Starfið er fjölbreytt og krefjandi og felur í sér mikilvægt hlutverk við að tryggja faglega og trausta þjónustu við KÍ, aðildarfélög þess og félagsfólk. Mikilvægt er að viðkomandi hafi framúrskarandi samskiptahæfni, geti unnið sjálfstætt og í teymi, sýni frumkvæði í starfi og hafi ríkan vilja til að styðja við starfsemi og markmið KÍ.

Helstu verkefni og ábyrgð

Upplýsingagjöf og ráðgjöf til félagsfólks KÍ á sviði kjara-, réttinda- og launamála
Móttaka mála frá félagsfólki og málum beint í réttan farveg
Útreikningar varðandi launakröfur og kjarasamninga
Tekur saman og færir inn á vef KÍ og aðra miðla upplýsingar um efni sem tengist kjörum og réttindum félagsfólks
Aðstoðar við undirbúning þinga, funda, fræðslu og ráðstefna á vegum KÍ

Menntunar- og hæfniskröfur

Háskólamenntun sem nýtist í starfi, t.d. á sviði mennta- og/eða félagsvísinda
Reynsla af þjónustu og ráðgjöf
Þekking og/eða reynsla af túlkun kjarasamninga
Reynsla af launaútreikningum æskileg
Reynsla af kennslu og/eða stjórnun innan skólakerfis kostur
Reynsla af starfi innan stéttarfélags kostur
Hæfni til að starfa sjálfstætt og í teymi
Jákvæðni og rík þjónustulund
Metnaður og sveigjanleiki í starfi
Mjög góð hæfni í íslensku og ensku, jafnt í töluðu og rituðu máli

Um er að ræða 100% starf.

Umsóknarfrestur er til og með 9. apríl nk.

Launakjör eru samkvæmt kjarasamningi Félags atvinnurekanda og Visku stéttarfélags.

Nánari upplýsingar veitir:

Dagný Ingadóttir, framkvæmdastjóri KÍ á netfangið [email protected]

Eftirfarandi gögn skulu fylgja umsókn:

1. Ferilskrá þar sem tilgreind er reynsla og þekking.

2. Kynningarbréf með rökstuðningi fyrir hæfni viðkomandi til að gegna starfinu.

Umsóknir skulu berast í gegnum Alfreð og verður öllum umsóknum svarað þegar ákvörðun um ráðningu liggur fyrir.

Um Kennarasamband Íslands

Kennarasamband Íslands var stofnað 1. janúar árið 2000. Félagsfólk er um 12.000 og starfar í leikskólum, grunnskólum, framhaldsskólum og tónlistarskólum. Kennarasamband Íslands starfar á landsvísu og innan þess eru átta aðildarfélög. Hlutverk KÍ er að gæta hagsmuna og réttinda félagsfólks, fara með samningsrétt um kaup og kjör, efla fag- og stéttarvitund, efla skólastarf, kennaramenntun og starfsþróun félagsfólks.

Auglýsing birt26. mars 2026

Umsóknarfrestur9. apríl 2026

Tungumálahæfni

Íslenska

Nauðsyn

Mjög góð

Staðsetning

Borgartún 30, 105 Reykjavík

Starfstegund

Starfsgreinar

Starfsmerkingar